Dewytree Vitamin C Whitening Solution Mask

之前759 Kawaiiland做特價，見價錢唔貴，就一口氣買晒8款返嚟慢慢試，今次試呢款"維他命C"就係for美白嘅。

佢聲稱成分本身含有維他命C、甘草提取物、熊果甘、膠原等等，對紫外線以及外部有害環境因素受到傷害，變成粗糙嘅肌膚，可迅速改善粗糙鬆弛皮膚，提供滋潤以及保濕功效，而濃縮精華則有效發揮高濃度美白效果。

 

 

維他命C美白純棉面膜小資料

包裝：獨立片裝

美容液容量：27g

質地：純棉

產地：韓國

正價價錢：HK$14.5

成分

透明質酸、熊果甘、海藻糖、膠原蛋白、桑白皮提取物、甘草提取物、好維他命C

官方資料
◎美白膚色，淡化肌膚痕跡，集中性針對亮白護理

◎安瓶精華濃縮營養，精華質地粘滑，柔和滋潤肌膚

◎緊貼肌膚絲滑觸感，純棉水分纖維素面膜，有效成分深入傳達至每個肌膚細胞

純棉面膜質地睇落唔算太厚，精華液亦都非常足夠，塊mask拎出嚟都好夠濕潤。


雖然敷上面感覺無隱形面膜咁貼薄，但係cutting都唔錯幾貼面，加上係純棉hold起面上都好舒服、亦唔會話刺激皮膚。








   敷完15分鐘除落嚟，即時感覺係亮白咗，有好明顯嘅美白效果，而杰身嘅精華液hold起面上雖然有啲笠，但係就好滋潤、保濕，建議怕笠嘅朋友敷完可以按摩一下再過水，洗咗表面嘅精華就可以keep得乾爽一啲。

 

 

總括嚟講，我對佢嘅平價係唔錯，佢真係做到晒美白+滋潤保濕嘅效果，不過唔喜歡有黏笠感嘅朋友就未必啱用囉，以我個人計就覺得秋冬季節用就會啱我多啲啦~

 

FACE Q it's ocean 海洋膠原蛋白緊緻面膜

今次試咗台灣Face Q出品嘅mask，絕世愛美肌呢個名聽就聽得多，但係用我自己就係第一次，其實係之前去台灣旅行嘅時候，喺偶然機會下同佢相遇，大家都知mask係去台灣必入手嘅嘢，本身係睇緊1028嘅mask(提起1028嘅mask確實係超好用，不過都係留番下次先再同大家share)，點知見到隔離櫃呢款"海洋膠原蛋白緊緻面膜"就俾佢個名吸引住，然後睇多兩睇佢嘅介紹，我地就一拍即合咗，所以順理成章咁帶埋佢返屋企lu~


先講講呢個it's ocean系列，呢條line出咗3款mask，分別係：
(1). 海洋雙重修護面膜 - 長效保濕，無限水潤
(2). 海藻玻尿酸水潤面膜 - 極緻修護，加倍潤澤
(3). 海洋膠原蛋白緊緻面膜 - 緊緻Q彈，光澤透潤
由於我已經掃咗唔少其他品牌嘅保濕mask，所以最後我就揀咗含膠原蛋白嗰款去試啦 ^_^


3款面膜都標榜"先補水、後鎖水同不浪費"嘅原則，可攜帶大量水分因子快速滲透肌膚，並令角質層常保水，令肌膚恢復光澤保濕感。
◎先補水 - 添加兩倍濃密3D玻尿酸(Double Sodium Hyaluronate)
◎後鎖水 - 添加專根櫃級保濕修護特選海洋萃取精華(Hydra DNA)
◎不浪費 - 高科技隱形天絲布膜96%面膜服貼滿意度




海洋膠原蛋白緊緻面膜
包裝：獨立片裝(1盒6片)
美容液容量：22ml
質地：天絲布膜
產地：台灣
正價價錢：HK$71.10 (N.T. 299)

官方資料
●不含酒精、人工色素、礦物油
●高濃度海洋膠原蛋白緊緻原液，補充膠原蛋白，幫助對抗老化、恢復肌膚彈性，使肌膚緊實飽滿有光澤
●高達96%面膜服貼滿意度*，貼出水潤好膚質
(*根據統一藥品調整結果，15位消費者進行面膜布測試布膜浮貼滿意度達96%)

呢隻mask拎出嚟嘅時候，都係有層珍珠紙cover住，見到塊mask好濕潤，都係佈滿咗大量嘅精華。


而佢叫得做天絲布膜，撕開咗層珍珠紙之後，您就會見到佢嘅真身，真係做到好透薄喎。






塊mask敷上面好貼服，眼位、鼻位同嘴位cutting都唔錯好fit，薄到幾乎可以做到隱形，同埋雖然佢薄身但係彈性都唔錯，敷完再移位都唔會話易整爛塊mask。


上面後感覺良好，精華液比較杰身少少，唔會話太水、水到滴到一身都係，但又唔會話太杰、杰到會黏住啲頭髮，敷完15分鐘後除落嚟(因為我嘆住冷氣敷，水份會比較吸得快，所以唔敷足20分鐘)，按摩幾下剩低嘅精華，好快就可以俾皮膚吸收晒，塊面即時有飲飽水同彈手嘅感覺，而佢嘅保濕效果都last到2日，不過暫時喺香港好似唔見有得賣，若果大家有機會去台灣就不妨買嚟試下。