一講Beauty People呢個名，應該無咩人會唔識佢啦啩？事關佢嘅cosmetic一向都好評如潮，睇怕唔洗我點多講，佢地嘅眼影、眼線筆、眼唇卸妝液，更加係大家去韓國必入貨嘅，當然我都係佢地嘅fans啦，佢地嘅皇牌產品我都有晒存貨，最愛係佢地嘅單色eyeshadow，易推、夠顯色又long lasting，細細粒重方便攜帶，最近我就試咗佢支"防水帶刷眼線筆"，即刻同大家分享下我嘅用後感先~
防水帶刷眼線筆小資料
包裝：雙頭筆型+附刷頭
質地：筆芯
產地：韓國
正價價錢：HK$149.0
官方資料
◎升級版眼線筆3倍功效提升，上色效果更好，飽和度高、防水防油、不易脫妝，乃更配備乃柔軟小掃。
◎普通眼線筆未能在眼尾畫出尖細而長的線條，升級版加入新元素，利用獨家設計刷頭，沾上筆芯顏色，就能輕易畫出清昕幼細眼線，眼線更顯圓滑自然，快速乾爽不易染暈。
◎10色可選：
#01. Cleo Midnight
#02. Hepburn Shade
#03. Monica Deep
#04. Olivia Calm
#05. Madonna Lusty
#06. Marilyn Rosy
#07. Jacqueline Coco
#08. Kelly Noble
#09. Elizabeth Bean
#10. Natalie Marsala
***我買嘅係#07深咖啡色
用後感
◎我自己試過好幾個出名標榜"防水、防油"品牌嘅eyeliner(好似MJ、Miss Hana、Solone、Espior)，但係效果都一般，只做到防水但唔防油，而我對眼都幾油下，同埋我眼睛分泌比較多，所以對呢支眼線筆好有期望，希望佢真係可以做到聲稱嘅防水又防油啦~
◎畫上眼測試咗幾日，佢筆芯好soft，輕輕一畫都好上色，顯色度做得好唔錯，同埋都幾long lasting，防水效果又係very good，但係防油就真係未預我理想，上晝用佢嚟畫內/外眼線，未keep到去食lunch已經開始溶化，暈開染到去眼肚部份，之後我又試下只係畫內眼線，溶化情況更加嚴重，睇嚟同我眼睛分泌比較多有關，之後我再試下只畫外眼線，呢次效果終於令我滿意，keep到放工條眼線都重好好，我諗呢支眼線筆只可以for我畫外眼線，睇嚟我仍需努力，keep trying去搵一支fit到我對超級油眼嘅eyeliner啦 =_="
有時搽極嘢、敷極mask都好似唔吸收，又或者覺得效果未如理想，就要諗下出咗咩問題？皮膚變差係唔夠營養、唔夠水份、角質層太厚，定係有其他問題呢？一定要對症下藥，唔係幾勤力都好，真係做咩都無補於事。
唔知大家平日有無幫塊面去下角質，其實角質層厚對皮膚都有幾大影響，唔單止會阻止皮膚吸收產品，重會令膚色變得暗啞，所以最好每星期做一次深層清潔/磨砂，有效去除積聚嘅污垢、死皮、角質，而市面上都有好多唔同嘅peeling product可以揀，例如：粒狀/膏狀嘅磨砂、啫喱狀/cream狀嘅去角質產品，大家可以視乎自己需要、喜好去揀，今次就想同大家share一款比較溫和、唔傷皮膚嘅去角質產品，佢就係有"去黃神器"之稱，由韓國About Me出品嘅"檸檬排毒明亮按摩乳霜"啦~
檸檬排毒明亮按摩乳霜小資料
包裝：罌裝
容量：150ml
質地：Cream狀
產地：韓國
正價價錢：HK$138.0
官方資料
◎美白、預防色斑、袪除偏黃暗啞膚色、有效排出皮膚毒素和老化角質，打造輕盈透明的肌膚
◎安全護理：使用天然和安全的優質材料
◎三無護理：不含三種成分(對羥基苯甲酸酯、人工色素、人工香料
◎專業護理：通過合作與專家共同研發產品
產品成分
◎檸檬、天然植物成分
使用方法
◎潔面後取適量按摩乳霜，在雙頰、額頭、下巴、鼻子等部位輕輕打圈按摩，約3分鐘後按摩霜的營養成分被皮膚吸收，乳霜逐漸呈油狀狀感，繼續輕按約2分鐘後，用濕巾將皮膚上剩餘物質輕輕擦淨，可以看到黃色的物質，建議每週使用2次。
用後感覺
◎我呢期用開兩隻去角質產品，除咗About Me呢隻按摩霜，重有另一隻係Beauty People嘅"南瓜去角質霜"，而我習慣一星期去一次角質，兩星期做一次深層清潔，所以我啲product係交替咁嚟用，呢罌按摩霜百零蚊有150ml，我用咗大概5、6次左右，每次分量都攞一大pat，但係都重有大半罌喺到，咁嘅價錢真係幾抵用~
通常我放工返去嘅洗面程序係，先用卸妝水抹面2次，跟住用落妝油按摩、乳化、過水，再用洗面膏洗1次，做完3 steps潔面程序，我就開始拎cream狀嘅按摩霜按摩。呢款霜質地軟綿綿，重帶有一陣檸檬香，用嚟按摩塊面好舒服、好relax，按摩一陣啲白色乳霜吸收晒，您會feel到有層透明薄膜cover住，keep住再慢慢按多一陣，透明狀就開始變成油狀，我就會用濕嘅化妝棉輕力抹咗表面層油分，一抹見到有黃色嘅污物，抹完即時見到去黃效果。
以我為例，洗咗3次面理應好乾淨至係，但係一用去黃神器您就會見到事實嘅真相，千其唔好睇少呢罌按摩霜，用完佢您先可以話真真正正將積聚喺底層嘅毒素去除，亦同時去除埋老化嘅角質，皮膚變得白淨、明亮咗，摸落手都滑嘟嘟架，所以就算幾懶、幾攰，我都會keep住定期去護理皮膚，徹底咁幫我啲皮膚大掃除一下 ^_^
官方資料
◎10色可選：
