Shopping Day - 759 Kawailland & Watsons & Mannings

禮拜六放假出去行下街，一心window shopping架咋，點知又俾我無意中見到啲筍嘢喎，睇多兩睇、望多兩望，結果又帶咗佢地返屋企lu~

 

 

759 Kawailland

(1). Dr. Althea Rose & Angel Modeling Mask 玫瑰天使倒模套裝8P   HK$112.0 (OP$160.0)

↑↑↑ 阿信屋9月12及13日，正價+街坊價7折，759成日都做特價，啲嘢唔係等用無折真係唔好買↑↑↑

 

Wastons

(1). Scholl Velvet Smooth (Diamond Crystals) Electronic Foot File 爽健晶鑽極致電動去硬皮機   HK$259.9 (OP$379.9)

↑↑↑屈臣氏9月12日做一日特價，平時要$3XX，Hello Kitty特別版重要成$4xx，之前莎莎做過一次$299.0，已經覺得好抵買，估唔到我miss咗上次，今次重平$259.9買到，順帶一提有興趣買嘅朋友仔，買嘅時候要注意包裝盒上面有無"diamond"呢個字樣，因為晶鑽版先係最新，我都差啲買錯咗舊版"絲絨柔滑"嗰隻↑↑↑ 

 

Mannings

(1). Bach Rescue Pastilles (Soothing Pastilles) 英國巴哈急救寧顆位50G   買兩件HK$200.0 (OP$125.0)

↑↑↑平日喺萬寧買開特價$125.0，第一次見佢做$200.0兩盒，所以幫老公掃番兩盒存貨↑↑↑

 

 

 

 

Dr. Althea 水光針生物纖維面膜

經過咗一星期，終於試完近期全城熱捧嘅"水光針面膜"啦，我個人就按連續敷3晚，之後休息2-3日，再連續敷3晚，作為一個療程，對於佢嘅效果我都好滿意，事不宜遲，同大家share下我敷咗一個療程嘅用後感先啦~

水光針面膜小資料
包裝：獨立片裝(1盒5片)
容量：35g
質地：果凍生物纖維
產地：韓國
正價價錢：HK$120.0

官方資料
◎Dr. Althea水光針面膜升級版，是由韓國權威的皮膚科連鎖機構"江南Theme皮膚科醫院(Gangnam Theme Dermatology Clinic)"研發，品牌堅持無添加，不含香料、激素和重金屬，連孕婦及敏感肌膚都可以使用。

◎面膜蘊含由多種名貴天然物質中萃取的精華，融合藥妝有效成分，創造持續100小時的保濕效果。面膜質地採用果凍生物纖維面膜，可將製造面膜的成分精華鎖於面膜之中，相比一般蠶絲面膜的精華液多5-8倍。

◎水光針是將含有比人體內多200-300倍水份的透明質酸，直接注射到肌膚真皮層，可以瞬間解決暗瘡、毛孔粗大、皮膚乾燥、暗啞、敏感等問題。

功效
◎毛孔粗大(深層補濕、緊緻毛孔)

◎肌膚暗啞(美白、抗敏降紅)

◎皮膚乾燥(撫平細紋、增加皮膚彈性)

◎暗瘡(袪痘消炎、淡化痘印)

◎皮膚敏感問題

成分
◎以"植物水庫"之稱的猢猻樹提取物，可替肌膚不斷提供水份。

◎天然抗氧化作用的加洲希蒙得木種子油，再加上含有多種微量元素、酶鹽角草提取物，能夠增強肌膚抵禦力。

◎含清潔純白White Flower Complex成分，令到皮膚更加有煥然一新的感覺。

◎腺苷及維他命B3成分可以減淡皺紋，及令暗啞無光的皮膚，變得有彈性。


用後感
睇完一大輪官方嘢，係咪重唔係好get到水光針面膜係乜東東？其實初時我都唔係好清楚，都係靠慢慢去爬文、去不斷搵資料，嘗試了解佢多啲先去試用，務求達到用得安心嘛 ^_^

或者簡單啲講，水光針本身係韓國整容醫院提供嘅療程，將啲透明質酸同肉毒捍菌打落皮膚底層，從而做到皮膚水潤、亮澤。而Dr. Althea呢款水光針面膜，係韓國美容中心同整容醫院合作推出嘅面膜，聲稱只要跟住療程嚟敷，就可以媲美做完醫學美容打水光針嘅效果。

先講撕開個包裝袋，望落去同一般嘅mask無分別，塊mask拎出嚟都幾濕潤，同埋佢係分成兩part嘅，我自己就習慣先敷下面嘴唇嗰part，fit好晒位先再敷埋上面眼部嗰part，咁樣敷coverage會好啲、貼啲，一般gel狀嘅mask都較易移位，有時個位郁咗想移番，又好易唔小心整爛塊mask，但係呢款"果凍生物纖維面膜"就無呢個問題，佢唔只唔會話跣而且重幾啜面下，就算您想話調整下個位都唔會易爛，敷住佢嚟做嘢都得。

嘻嘻，容許我講少少題外話，我通常鍾意邊睇書/雜誌/聽歌邊敷mask，咁樣個人可以輕鬆啲、relax啲，另外敷嘅時間都有番咁上下，我就習慣喺手機set定個倒時器(倒數時間)，等佢夠鐘就響唔會overtime咗都唔知，呢個方法真係唔錯好方便，大家都可以試下。

第1晚
敷前先用化妝水(爽膚水/肌底水)抹一次面，咁樣有助一陣更好咁吸收mask嘅精華，而水光針面膜精華份量有成35g，按官方敷嘅時間20-40分鐘嚟敷都好夠，因為話晒第一次敷，我就敷足40分鐘睇下，結果敷完都唔會話覺得乾，拎走塊mask都重有精華液stay喺到，跟住按摩一陣就吸收晒，敷完感覺好神奇，先係覺得塊面firm咗、有彈性咗，再照鏡一睇啲毛孔，真係好似隱咗形咁，連虎紋都撫平咗，皮膚變得有光澤、白滑咗、同好飽水，即時效果出嚟重好過用SKII，十幾蚊有咁好嘅效果，真係令我好surprise喎，唔怪得佢呢期hit爆啦！

第2/3晚
同樣敷前先用化妝水(爽膚水/肌底水)抹一次面，一樣係敷足40分鐘，不過呢兩晚我都係嘆住冷氣嚟敷，敷完皮膚雖然無話乾，但係就無第一晚咁滋潤，按兩下精華已經吸晒，感覺一樣係firm同彈手。

休息2-3日
停咗兩日咩都無做，無去角質、無敷mask，絕對有俾足夠時間啲皮膚抖抖，只係好似平時咁簡單護膚，搽下eye同night cream，that's all~

第4晚
呢晚敷mask前先去角質，跟住同樣地敷前先用化妝水(爽膚水/肌底水)抹一次面，又係嘆住冷氣嚟敷，時間調整只敷30分鐘，敷完皮膚滋潤度高過之前敷40分鐘，精華又係好快吸收咗，塊面都係有firm同彈手嘅感覺。

第5/6晚
照樣先做抹化妝水嘅step，跟住敷30分鐘，敷完效果同早幾晚一樣，唔知係皮膚開始適應咗定點，效果無第一、二次敷時咁明顯。

總結8日一個療程
但係可惜我未試過去美容院做水光針，唔知道係咪真係等於完成咗一次打水光針嘅效果？but anyway，我喺屋企做呢個水光針treatment，可以話慳番唔少時間，同埋以$嚟計我都係用咗$100.8就做到呢個效果，已經係超出咗我嘅expectation，出去美容院做個facial，閒閒地最平都要成$300-$400，重要左book右book時間，去到又要俾啲姐姐sell嘢，所以我都係偏好喺屋企自己敷mask，同埋而家啲mask質數都好高，勤力啲自己敷都可以keep到皮膚靚靚，不過話時話可憐嘅我，婚前買落嗰啲facial coupon都未做完，已經好耐無book去做，睇嚟要上心啲唔係過期就唔抵啦 =_="