入秋皮膚就會較為乾燥，大家喺選擇護膚品嘅時候，可以揀啲質地比夏天heavy少少嘅，我自己就會揀啲較保濕、滋潤感重啲嘅texture，但係太heavy嘅我就未必會揀，一來自己唔鍾意太笠、二來怕太油會出油脂粒，通常皮膚真係唔夠水份，我就鍾意加強喺精華嗰part，或者由潔面嗰個step做起，所以今次想同大家分享Tony Moly嘅snail foam cleanser，呢隻洗面膏秋冬用就最perfect，個texture係好soft，滋潤得嚟又唔會話笠身。
強效修複蝸牛潔面乳資料
包裝：支裝
容量：150ML
質地：cream狀
產地：韓國
價錢：HK$128.0
官方資料
◎6free純天然產品，無人工香料、無酒精、無礦物油、無激素、無BSE、無GMO。
◎Moist24等自然成分，增加皮膚彈力強效的保濕成分，讓皮膚水潤，細膩，柔軟。
◎含有高達45%的蝸牛粘液萃取液，幫助迅速恢復肌膚生命力，讓肌膚從細胞開始獲得新生。◎祛斑去疤有奇效，無論是痘痘引起的疤痕還是年齡增長引起的色素沉積，都可以非常有效的緩和。同時具有皺紋改善和美白的多重功效，多種功效同時作用，互相補缺，另效果更佳理想。
◎蝸牛粘液萃取液含有量高達45%，它含有極高的膠原蛋白成分，能夠恢復肌膚細胞活力，抵抗肌膚彈性變弱問題。更可以有效抑制色素沉積，淡化黑斑。
用後感覺
◎先係見佢6大無添加成分，再嚟就係俾佢高達45%蝸牛萃取液吸引，一心諗住秋冬用啱晒，所以好快手無咩考慮，就已經帶咗佢返屋企啦！
◎唧出洗面膏，cream狀得嚟好滑身，加水起泡泡質好幼細，上面按摩感覺好舒服，過完水滋潤得嚟又唔會笠，皮膚望落明亮同有彈性。
◎總括嚟講，我都好滿意呢支snail foam，雖然唔夠我用開嗰支illi高效保濕潔面乳咁好，但係以一百鬆啲嘅價錢嚟講，做到呢個保濕滋潤程度，都已經算係幾唔錯對得住個價，平平地大家都不妨買嚟試下。
之前講過Mise En Scene嘅護髮油，今次就想同大家分享下佢嘅洗頭水+護髮素，本身佢有5個唔同系到，分別係紅色(Damage Care)、橙色(Repair Perfect)、綠色(Scalp)、藍色(Cool)同紫色(Anti-aging)，原本想買橙色嗰set嘅，但係佢就得番支shampoo無conditioner賣，最後我就揀咗紫色系列嚟試。
黑珍珠髮根強化修護潤髮系列小資料
包裝：揼裝
容量：680ML
質地：啫喱狀(洗髮水)、cream狀(護髮素)
產地：韓國
價錢：HK$138.0
官方資料
◎蘊含藍莓精華，獨特的藍莓精華內富含多種秀髮所需的微量元素，有效填補秀髮流失的氨基酸成份，能迅速深層滲入並軟化受損發質，全面滋養並強韌髮絲；紫苜蓿提取液、水解小麥蛋白等天然植物成份，覆蓋頭髮表層乾枯粗糙的部分，賦予秀髮深度營養與潤澤，令秀髮回復健康彈性；清新的藍莓香型使頭髮持久散發怡人芬芳，帶來清新愉悅的感受。
用後感覺
◎上面透明淡紫色係洗頭水，而下面白色cream狀係護髮素，買嘅時候，間shop寫紫色系列係防脫髮，聽人講大肚婆會經常脫髮，雖然我暫時好似無呢個問題，但係預防下都無妨就買嚟試下。
◎先講下支洗頭水，揼出嚟有好香嘅淡淡藍莓味，個味道係幾清新唔俗氣嘅，放喺濕髮上按摩頭皮一陣，好快就已經起到好多泡泡，過完水啲頭髮都唔會卡住同乾。
◎再嚟就係護髮素，個texture幾creamy下，一般我用護髮素按摩完，就由得佢hold起個頭一陣，繼續沖埋個涼先會再過水，過完水啲頭髮即時滑晒，梳頭係好柔順唔會打結，就算我吹埋頭都重好順滑。
◎第二朝起身頭髮都好乾爽，唔會蓬鬆、又唔會話油，keep住用咗一個星期，強韌髮絲效果幾唔錯，頭髮折斷問題減少咗，之前我用Reen嗰支潤膏二合一洗頭髮，啲頭髮真係差到無朋友，洗完啲頭髮乾唔在講，啲頭髮重變得脆弱晒、超容易折斷，所以今次呢支anti-aging無論個香味、定功效我都超滿意，價錢唔貴重大大支，用完我都會繼續回購，Mise En Scene呢個牌子真係有信心保證。
