相信大家對SPC出品呢隻"馬油"面膜唔會陌生，好多去日本旅行嘅朋友，更加會狂掃返嚟做手信大派街坊，之前朋友就俾咗2塊我試，終於有機會見識下佢嘅"威力"啦，事不宜遲，同大家分享下我嘅用後感~
馬油美白保濕面膜資料
包裝：獨立片裝(1包5片)
美容液容量：22ML
質地：天然棉
產地：日本
價錢：HK$75.0
官方資料
◎主要成分提取自日本本國北海道純種馬油，面膜採用純種競賽馬的胎盤中提取物，不僅提高皮膚的保濕力，也讓皮膚再生。
◎成份不僅有馬油、胎盤素精華、水溶性膠原蛋白、加水分解薏仁種子，甘油、玻尿酸等， 面膜紙採用日本國內100%純天然棉，淡淡的櫻花香。
用後感覺
◎先講個包裝，櫻花packing賣相係唔錯，好靚好吸引到我嘅注意，打開有好濕潤嘅精華液，櫻花味就唔多覺有，mask設計連埋eye pad位，直到呢個moment我都ok滿意，點知一拎塊mask出嚟就即刻扣晒分，啲精華超水、水到不停喺到滴緊水 =_="
◎面膜紙so call叫棉，但係佢嘅貼服能力極差，左按右按都唔係好貼面，好唔容易，終於可以成功hold塊mask喺面，點知邊敷啲精華水又邊喺到滴，我要keep住搵嘢去抹啲mask邊，本身佢建議敷10-15分鐘，敷到10分鐘嘅時候佢重好濕，但我真係頂唔順要撕走佢啦，take off咗個mask皮膚狀態初時係好濕潤，當按摩吸收完啲精華水之後就feel到有啲乾，鎖水能力比較差咗啲，要on top搽番face cream先得。
◎未用之前聽好多人推介，唔知係咪對佢期望過高，試過之後覺得只係一般，雖然無我擔心話怕馬油用完會好黏笠，但係佢嘅保濕同滋潤效果真係未如理想，我個人用完就唔係太鍾意，所以我唔會再回購佢嚟用。
早排同朋友出旺角食飯，飯後就梗係傾下計仔、再去行下街仔咁啦，去行"卓悅"因為我同朋友都有心水產品想買，我想買Fancl 35週年限量版嘅set裝MCO納米御妝油，而朋友就想買Rosemine嘅香水手霜、潤膚露，講起Rosemine嘅香水潤膚露我就揼心啦，月頭我買嘅時候見佢做discount $38支，就一口氣買咗3支返去，點知而家佢重平$29就有1支囉 =_=" 好彩返歸時嘅收鑊都唔錯，雖然Fancl無晒貨買唔到，但係都好開心買咗啲筍嘢，叫做有番少少安慰俾我，同大家share下我嘅戰利品先 ^_^
(1). 立頓茗閒情凍頂烏龍茶20*2.8g HK$17.9 (OP$19.9)
呢個買俾老公嘅，佢鍾意飲"茗閒情"呢隻三角烏龍茶，買嘅時候明明標價$19.9，點知到俾錢時重平$17.9咋，真係抵！
(2). Elizavecca 海叄潤澤護手霜80g HK$19.0 (OP$49.0)
屋企嘅hand cream存貨，大大話話都有成2x支囉，不過見佢packing個卡通咁吸引，又忍唔住手入支返嚟試下，朋友笑話"海叄"唔知會唔會有怪味呢？遲啲等我試完，先再話俾大家聽啦 ^_^
(3). Melvita Organic Witch Hazel Virginian Water 200ml HK$138.0 (OP$294.0)
呢支"有機金鏤梅花水"想試咗好耐，竟然喺卓悅俾我見到佢，重要做緊discount百幾蚊就買到，您話唔買真係點對得住自己呀？
(4). Beauty People Orginal EMU Cleansing Foam 200g HK$49.0 (OP$104.0)
Beauty People嘅化妝品就用得多，絕對有品質/信心保證，同埋見$49就買到呢支"專業潔面泡"啦，又點會唔心郁買嚟試呢？
