啱啱過咗嘅星期六，又同老公去聽講座，今次係由"香港醫護聯盟"同"Holle"合辦嘅，入場時工作人員會派發問卷、產品資料、同埋1人1盒蘋果汁俾您試飲。
官方資料
日期：2016年1月9日(星期六)
地點：富豪九龍酒店3樓凡爾賽廳(尖沙咀麼地道71號，尖東港鐵站P2出口)
時間：上午十時半至中午十二時
對象：準媽媽及其配偶
講者：營養學者、營養書籍作家伍雅芳小姐
講座內容：
(1). 孕婦營養與體重
(2). 孕婦的飲食營養
(3). 孕婦常見的飲食陷阱
(4). 何謂有機食物？ 又如何選擇呢？
(5). 有機生活對媽媽與寶寶的好處
(6). 即場示範3款有『營』午餐：頭盤、主菜、甜品
聽講座個名"烹飪"就已經好吸引，第一次聽講座會有煮嘢食環節，感覺好新穎所以即時報名，幸運地又被抽中可以出席。
講座準時開始，成個talk都係由營養師伍小姐負責，分開2part進行，先係講解營養、有機食品，中間有問問題送禮品環節，最後就教大家煮有營、有機食物，完場後交番問卷，就會有1份禮品包(價值$300)。
另外有一點想提提各位準媽媽，講座中有提到bb濕疹，一般坊間話食辣嘢、海產類，會引致bb出世有濕疹，營養師就話其實無影響，反而食含有"反式脂肪"嘅食物就會引致濕疹，所以盡可能都唔好食。
有機禮物包包含：
(1). Holle有機棉布環保袋
(2). Holle有機棉布口水肩
(3). Holle密實餐具袋
(4). Holle有機授乳茶
(5). Holle有機唧唧裝嬰兒食品2包
(6). Holle有機奶粉及粥仔試用裝
(7). Weleda有機嬰兒護膚品試用裝
早喺Christmas期間，Manyo Factory推出咗"再生精華液"嘅limited edition增量版，唔單只價錢不變、份量重由50ml增量至80ml，呢支精華都幾出名下，重有韓版"Estee Lauder再生基因修護露"之稱，不過佢嘅價錢比起EL就親民得多，MF只需$2xx而EL就要成$8xx先買到，所以我打孖買咗2支返嚟，睇下效果係咪真係咁超班先 ^_^
再生精華液資料
包裝：膠樽裝
容量：80ml
質地：水狀
產地：韓國
價錢：HK$240.0
官方資料
◎成分包含Bifida、Lactobacillus、Peptine、Hyaluronic、EGCG兒茶素綠茶精華、RG III 人參精華。
◎精華液有效增加皮膚彈性、防止老化，修復受損皮膚、改善膚色，激活青春皮膚、淡化幼紋，強化皮膚健康、保濕淡印。
小Hi用後感
◎俾大家睇下對比圖先，左手面係Estee Lauder嘅"再生基因修護露"而右手面就係Manyo Factory嘅"再生精華液"嚟，EL嘅質地比較厚身，MF就相對比較水狀。
◎初次倒出MF精華水，心諗同我想像好似有啲出入，因為我一心買支滋潤性強啲嘅for晚間用，而家見精華液咁水唔知夠唔夠潤呢？原來人真係不可以貌相嘅，一拍上面即時令我安心晒，雖然佢超水狀但滋潤度強，感覺潤得嚟一啲都唔黏膩，吸收快不特只、清爽度堅係勁，朝早/夏天用都絕對唔會覺得笠。
◎相比起EL嘅晚間修護精華，我覺得MF嘅精華texture係比較爽身啲，而EL嘅精華比較有質感同出嚟效果顯著啲，last到去第2朝都見到面部肌膚狀況比較好，不過您話講到價錢，MF就親民多多聲啦，可以3支抵EL 1支重有找，(我買嘅時候重要50% off，諗番只係掃咗佢2支咁少，真心覺得自己今次笨咗囉 =_=") 其實2支我用完都咁愛、咁推，或者大家可以視乎自己budget去揀，有budget嘅不妨買EL，budget唔係咁多嘅MF都係一個唔錯選擇，2百幾蚊有咁嘅質素，絕對對得起個價錢有餘！
