中伏記 - 下集

講完支雷記hand cream，再講埋另1支令我更加覺得中伏嘅toner先，可以話係雷品*6 嚟囉，足足俾hand cream雷一個doub！！！

 

當日去莎莎一心係買支洗面膏，點知見到Elizabeth Arden嘅set裝做discount(本身未用過呢個牌子)，見佢平時單買幾貴下，而家set裝價算係幾親民咪膽粗粗買嚟試下。

 

 

一開始我係單開支cleanser嚟用先，佢唧出嚟唔係膏狀係有啲似洗面奶，上面好易推、洗完過水感覺唔錯，用完即時覺得塊面好保濕、好滑，絕對係gd值得推俾大家，同埋貴少少都覺係值嘅！

 

 

用過支cleanser之後，對EA呢個brand印象唔錯，點知一用支toner就出事，佢嘅味道刺鼻、上面重有啲乸同攻眼，您話無功效都唔緊要，最衰佢係攻眼又刺面，真係點攪呀大佬？好在用咗塊面無敏感唧(強調一點先，我本身唔係敏感皮膚，touch wood亦未試過用任何skincare出現呢啲反應)，其實買之前我有試過喺手都唔覺有呢個問題，所以我有俾機會去試真啲嘅，但試用咗3日同樣係咁嘅情況，就索性成支掉鬼咗落垃圾桶(相中就係我掉前幫佢影嘅遺照，您會睇到我實際用咗幾多份量) =_="

 

P.S. 以上純粹係我個人用後感，始終個個人嘅膚質都唔一樣，我唔知其他人用有無同樣情況，若果有興趣試嘅朋友就要注意，我建議大家不妨花啲時間試清楚支tester先，覺得適合自己先再決定買唔買，唔係好似我咁唔啱洗就浪費啦！

 

 

 

中伏記 - 上集

最近試咗2件護膚品，平時我好少分享雷品，但今次呢2件product俾我感覺係雷品*3 囉，所以好想同大家講下，避免您成為下一個中伏嘅朋友仔~

 

先講呢支Fascy出品嘅桃味hand cream，事源我係買咗佢同line支mango味先，嗰支潤得嚟唔笠、重好香芒果味，我係超推介(真係very good)架，所以我先再去入手多2支(peach & lavender)咋！

 

 

點知 ... ... 一開支peach就知出事啦，嗰隻味道激似藥水味囉 =_=" (我同事就話似水彩味)，味道難頂唔在講，佢嘅質地係水到無朋友架，重要係搽極都唔吸收，而家每次搽我都覺得好惡頂，奈可我成日都唔記得帶過第2支返office，重未可以掉佢落垃圾桶，我未試過用一支hand cream嘅忍受程度可以去到係負評，真係用到頂唔緊要掉咗佢，而家唯有寄望支lavender唔好又係咁啦！