Kose傅明酸美白面膜

Kose嘅面膜一向係我杯茶，試過幾款效果都令我滿意，所以一見到呢隻"傅明酸美白"mask，諗都唔洗諗就帶咗盒返屋企lu~








 



打開面膜22ml精華好濕潤，濕到適中唔會over，我最怕水滴滴嗰啲mask，邊敷邊滴好討厭架嘛！

mask sheet係連埋眼位，照顧埋對眼好貼心，但我個人鍾意邊敷邊做其他嘢，所以眼位通常我都係翻落嚟敷。


敷上面好貼服，敷完10分鐘塊mask都唔會好乾，除落嚟皮膚白淨明亮咗，美白效果有但唔係令您會"嘩"一聲嗰隻，so far嚟講我都滿意嘅 ^_^

 

中伏記 - 下集

講完支雷記hand cream，再講埋另1支令我更加覺得中伏嘅toner先，可以話係雷品*6 嚟囉，足足俾hand cream雷一個doub！！！

 

當日去莎莎一心係買支洗面膏，點知見到Elizabeth Arden嘅set裝做discount(本身未用過呢個牌子)，見佢平時單買幾貴下，而家set裝價算係幾親民咪膽粗粗買嚟試下。

 

 

一開始我係單開支cleanser嚟用先，佢唧出嚟唔係膏狀係有啲似洗面奶，上面好易推、洗完過水感覺唔錯，用完即時覺得塊面好保濕、好滑，絕對係gd值得推俾大家，同埋貴少少都覺係值嘅！

 

 

用過支cleanser之後，對EA呢個brand印象唔錯，點知一用支toner就出事，佢嘅味道刺鼻、上面重有啲乸同攻眼，您話無功效都唔緊要，最衰佢係攻眼又刺面，真係點攪呀大佬？好在用咗塊面無敏感唧(強調一點先，我本身唔係敏感皮膚，touch wood亦未試過用任何skincare出現呢啲反應)，其實買之前我有試過喺手都唔覺有呢個問題，所以我有俾機會去試真啲嘅，但試用咗3日同樣係咁嘅情況，就索性成支掉鬼咗落垃圾桶(相中就係我掉前幫佢影嘅遺照，您會睇到我實際用咗幾多份量) =_="

 

P.S. 以上純粹係我個人用後感，始終個個人嘅膚質都唔一樣，我唔知其他人用有無同樣情況，若果有興趣試嘅朋友就要注意，我建議大家不妨花啲時間試清楚支tester先，覺得適合自己先再決定買唔買，唔係好似我咁唔啱洗就浪費啦！