The Face Shop x Disney BB Cushion

 

近年韓國好多品牌都興crossover出卡通版嘅cushion，之前我都買過盒A’pieu叮噹聖誕版bb cushion，最近老公出差韓國就帶咗盒The face shop x Disney BB Cushion俾我，其實韓國一出嘅時候我已經搵代購訂但唔成功，今次老公喺幫我掃貨嘅時候，無意中見到就問都無問買咗俾我(因為我喺super mickey fans)，聽到好開心但亦都知道會出事，點解唔問下我呢? 佢都唔知我用開咩色? 結果佢真係買錯色V103(應該話佢根本唔知有色分)俾我，好在之後佢有經過可以幫我換番V201色，唔係就要留番"哈佬喂"扮鬼時先用得著。

 

 

試用咗一星期，上面幾自然、唔焗身，秋涼天氣用都無覺乾，薄薄上一層有光澤、遮到毛孔，眼底再上一層黑眼圈都遮到7成(本身有嚴重黑眼圈)，所以遮暇度都算唔錯我幾滿意，喺office開住冷氣keep到下晝都無溶，我自己覺得價錢平、質量好絕對值得買嚟試下！

 

 



ASANA No.1 一秒神水

自從做咗揍b嘅媽，經常食無定時、無覺好瞓，個人捱得多皮膚質素自然變差，最近我就買咗set全城至hit嘅『一秒神水』嚟急救下我塊面。

 

我呢set $1,998 買6送2，有7支一秒神水+1盒一秒神奇面膜60片(相中只有6支神水係因為俾咗支媽媽用)，唔計盒面膜(神奇面膜60片價值$260)$1,998/7 = $286支，抵過萬寧長期試用價$333支呀！

 

 

收到盒『神奇面膜』時真係覺得幾神奇，心諗個盒咁細究竟點可以裝到60片呢？？？一打開 ... ... oh!!! 原來係壓縮面膜嚟，即刻覺得自己蠢咗點解咁都諗唔到囉 =_="

 

事不宜遲，同大家分享埋"神奇面膜"嘅用後感先，先倒入1格"一秒神水"嘅份量浸濕壓縮面膜，等面膜紙被精華水浸透至膨脹，就可以慢慢攤開敷上面，敷15-20分鐘，視乎個人肌膚狀況，我自己就敷10分鐘撕走。

先講面膜紙尚算ok貼面，不過就無我平時用開嗰隻Kose咁正，但我都幾鍾意佢獨立包裝，衛生又方便攜帶嘛，至於mask嘅效果我好滿意，補水得嚟膚色明亮、白淨咗，而我自己分別試過用1格同1.5格嘅分量去敷，個人覺得1.5格啱我濕度多啲(本身係混合性偏乾皮膚)，總括嚟講，我用咗2個星期神水(早晚用)、敷咗2次面膜，皮膚質素的確係改善咗，明顯睇到塊面有水潤感同有彈性咗。