物理性防曬 VS 化學性防曬

身邊嘅朋友仔對於搽防曬，需唔需要用卸妝產品去卸，呢個問題都會覺得好疑惑？加上坊間嘅sales姐姐，一啲就話SPF低過15就唔洗卸、但有啲又會話只要係搽咗有防曬成分嘅產品就一定要卸，唔係唔卸乾淨就會阻塞毛孔做成皮膚問題，唔知大家又點睇"防曬"呢兩個字呢？我個人就幾著重搽防曬，唔係純粹貪靚怕曬黑皮膚，而實情係怕會曬傷我地嘅皮膚 =_="


防曬係針對皮膚嘅產品，而皮膚又係好直接影響我地，雖然皮膚受損造成老化問題，唔係一時三刻會做成，而係一個長期、慢性累積嘅傷害，但始終受損嚴重係會導致皮膚癌，所以及早保護好我地嘅皮膚，大家真係不容忽視！相信好多朋友講起防曬產品，就好自然會諗起UVA、UVB、SPF、PA，唔知大家又知唔知道，佢地究竟係咩嚟呢？陽光中有紫外線，而紫外線可分為兩種，紫外線A光(UVA)同紫外線B光(UVB)。UVA係會將人曬黑嘅紫外線，可穿透雲層、玻璃，而佢嘅波長較長約320至400間，可穿透我地皮膚較深層嘅真皮層，導致皮膚老化、出現皺紋、色斑。而UVB因為波長較短僅290至320間，只會停留喺表層，唔會深入肌膚底層，所以只會曬紅、曬傷我地嘅皮膚；當兩者(UVA & UVB紫外光)長期傷害我地皮膚，就會造成皮膚老化，嚴重甚至可以引致皮膚癌。


SPF(Sun Protection Factor)係防UVB嘅系數指標，通常無做任何防曬嘅情況下曬太陽，曬大約10分鐘嘅時候，皮膚就會出現泛紅跡象，而防曬品可以抵擋幾耐UVB，就要睇下SPF嘅度數有幾多，醫生一般都會建議日常活動，使用含有SPF 15-25度數嘅防曬產品就足夠；若果要進行戶外活動，就需要使用較高SPF系數嘅產品先夠保護。假設產品防曬度係SPF15，就將度數15*時間10得出150，即係可有效延長150分鐘，SPF20則相等於可有效延200分鐘，如此類推就可以計算出時間。但係要注意一點，雖然SPF度數越大、延長時間就越耐，咁並唔代表用咗SPF50-60嘅產品，就可以延長500至600分鐘時間唔洗補防曬，因為活動期間我地可能會流汗、遇水(水上活動)，令到我地嘅防曬產品保護力下降，所以都建議大家因應情況定時補搽防曬，以確保我地嘅皮膚有足夠嘅保護。


由於我地需要嘅防曬，唔單只要防止到曬紅、曬傷，更加需要防止到陽光曬黑我地，造成嘅黑色素形成、令皮膚老化，所以選購防曬產品時，除咗睇UVB嘅SPF防曬系數之外，重要睇埋有無含UVA嘅防曬系數。而PA(Protection grade of UVA)就係抵抗UVA嘅系數 ，市面上嘅產品一般以"+"號去表示PA對UVA嘅抵抗力，簡單嚟講PA後面越多"+"號 ，即係表示對抗到UVA嘅能力就越強。一般醫生建議平時出門選含有PA++嘅產品就夠，而外出旅遊、或較多時間停留喺戶口就選用PA+++(可抵擋約90%嘅UVA)或以上嘅產品會更佳。所以喺選購防曬產品嘅時候，大家應該揀同時含有SPF(可防UVB)抵擋時間、同PA(可防UVA)防禦力系數嘅產品，咁樣就可以cover晒兩種紫外光，對我地皮膚造成嘅傷害。另外玩戶外/水上活動嘅朋友可以留意多一樣，睇下產品有無標示Waterproof防水性，或者係Sweatproof抗汗性，呢類產品會更加適合大家。

*溫馨提示：
有啲靚靚會選用一啲歐系嘅防曬product，所以同大家順帶一提歐系嘅指數係點計，佢地係嘅以IPD做系數，而IPD係代表2小時內對UVA即時曬黑嘅反應，而持久曬黑反應就以PPD去表示，簡單啲講即係PPD等於我地嘅PA，而PPD分為2-4, 4-6同6-8，即係等於我地嘅PA+, PA++同PA+++


講完UVA、UVB、SPF同PA，就要講埋防曬嘅種類，基本上係分兩大類，一種係物理性防曬，另一種就係化學性防曬。物理性指喺肌膚表層形成反光膜，以反射嘅方式去減少紫外線對皮膚嘅傷害。而化學性就係將紫外線大量吸收入成分之中，令其不能進入肌膚而減去傷害，由於需要時間俾肌膚吸收，令化學物同肌膚細胞結合，先可以發揮到佢嘅作用，所以為達最佳防曬效果，我地出門前要預早15-20分鐘搽，咁樣防曬嘅功效先可以發揮到。純物理性嘅防曬品會較油、較唔會引起過敏，相反化學性防曬品就較清爽、但易引發敏感。目前市面上嘅防曬品，多數同時採用物理性、化學性，綜合兩種成分做成防曬品，令到防曬品可以達到清爽又唔油、性質溫和但又唔刺激皮膚。

《物理性防曬成分》
- Cinnamates 防紫外線UVB
- Anthranilates 防部分紫外線UVA
- Benzophenes 防紫外線UVB+部分UVA
- Parsol 1789 防紫外線UVA+部分UVB
- Mexoryl SX 防部分紫外線UVB+部分UVA

《化學性防曬成分》
- Titanium Didxide 防紫外線UVA+UVB (低防禦)
- Zinc Oxide 防紫外線UVA+UVB (低防禦)


跟住落嚟要同大家分享嘅係，一開頭提到嘅卸妝問題，究竟搽咗防曬又需唔需要卸妝呢？上面都提過防曬分兩種，物理性同化學性，一般物理性嘅防曬產品，係以反射形式抵禦紫外線，所以係唔會被皮膚吸收，可以唔洗用卸妝產品都得。相反化學性嘅防曬產品，係需要等皮膚吸收、細胞同化學物結合先可以發揮作用，經過吸收加上化學物積聚喺皮膚上，我地必需幫肌膚作深層清潔，清除積聚物以防止倒塞毛孔；而一般防曬產品為達到更佳嘅防曬效果，都會加入防水、防汗成分，所以普通嘅洗面產品未必能夠清洗乾淨，而卸妝產品嘅成分就係針對可防水、防汗嘅產品，可以有效溶解、清除積聚物，令肌膚徹底乾淨。

*溫馨提示：
市面上防曬產品多數都綜合咗物理性、化學性防曬嘅成分，為確保皮膚得以健康，建議搽咗防曬產品嘅朋友，都盡量花少少時間去卸妝，每日只係花5-10分鐘嘅時間，用您地嘅卸妝+洗面產品去清潔皮膚，擁有乾淨嘅皮膚，真係問題都少啲、人都靚啲啦(正所謂: 呢個世界無醜嘅女人，只有懶嘅女人)~


最後，我都知道今次篇嘢確實係有啲長，要多謝睇完整篇交章嘅朋友，知道花咗您地好多寶貴嘅時間，但請大家見諒，因為我真係好想大家可以了解清楚"紫外線"係咩、點解"防曬"對我地咁重要、當中成分又係啲咩呢？雖然我由搵資料到打文，當中資料改完又改、加完又加，都花咗我真係唔少時間，但我仍然堅持去做，係因為我發現身邊嘅人，好多都唔知要去保護皮膚，直到出現問題先去搵方法，嗰時您想補救都真係太遲，所以我希望大家睇完呢篇分享，會知道搽防曬嘅重要性，同埋點樣去揀一支適合自己嘅防曬，可以好好保護您地嘅皮膚啦 ^_^



 

CSL/1010 Tap & Go 拍住賞 x 759 阿信屋購物優惠

本身係CSL客戶嘅我，第一次出Tap & Go 拍住賞 x 759 阿信屋購物優惠時，咁唔好彩撞正我唔喺香港，今次22-Aug再度加推 ，我梗係唔會miss咗呢大好個機會，要親身去拜會、見識一下759佢地啦 ^_^

 

 

其實去嘅時候我無話特別有咩想買，純粹抱住去湊下熱鬧嘅心態，加上759俾我感覺成日都做789折嘅，所以我只係target喺5折嘅正價貨品到，對我嚟講收穫唔係好大，比起我身邊不停話好抵、抵到買咗過千或者數百嘅朋友，我絕對係小巫見大巫，因為只係幫襯咗佢$295.9就打道回府lu~ 

   

 

 

嘻嘻，急不及侍要俾大家睇下，

我喺759超市+Kawaiiland血拼後嘅戰利品先 ^^

 ↓↓↓  ↓↓↓  ↓↓↓

  

list俾大家睇下我買咗啲咩5折正價貨品：

《759 超市》

(1).  法國Saint-Omer金啤酒1罐   HK$6.8 (OP$3.4)

(2). 日本龍角散條裝喉糖10P   HK$4.3 (OP$8.5)

(3). 日本鯛際廣場小蝦餅65g   HK$4.4 (OP$4.4)

(4). 韓國Haitai辣味年糕脆條110g   HK$6.4 (OP$12.8)

(5). 臺味龍蝦片(仿龍蝦味脆片)160g   HK$6.8 (OP$13.5)

(6). 台灣萬年春凍頂烏龍茶包40g   HK$9.6 (OP$19.2)

(7). 台灣萬年春臺灣高山茶茶包40g   HK$9.9 (OP$19.8)

 

《Kawaiiland》

(1).  Pure Smile Choosy潤唇膜 - 蜜糖1P   HK$3.5 (OP$7.0)

(2). Pure Smile Choosy潤唇膜 - 蜜桃1P   HK$3.5 (OP$7.0)

(3). Dewytree自然晨露檸檬提亮面膜1P   HK$4.8(OP$9.5)

(4). Dewytree自然晨露膠原蛋白螶絲面膜1P   HK$4.8(OP$9.5)

(5). Leaders氨基酸潔淨透亮面膜1P   HK$4.8(OP$9.5)

(6). Leaders氨基酸毛孔細緻面膜1P   HK$4.8(OP$9.5)

(7). Leaders氨基酸抗痘控油面膜1P   HK$4.8(OP$9.5)

(8). Leaders氨基酸緊緻拉提面膜1P   HK$4.8(OP$9.5)

(9). Dewytree自然晨露維他命蝸牛黑面膜1P   HK$7.3(OP$14.5)

(10). Dewytree自然晨露維他命C美白純棉面膜1P   HK$7.3(OP$14.5)

(11). Leaders除皺緊緻修復面膜1P   HK$7.4(OP$14.8)

(12). Leaders除痘補水修復面膜1P   HK$7.4(OP$14.8)

(13). Mediheal逆時活膚抗皺導入面膜1P   HK$7.4(OP$14.8)

(14). Mediheal高效抗痘淨膚保濕導入面膜1P   HK$7.4(OP$14.8)

(15). Mediheal滋潤美白舞會面膜1P   HK$7.9(OP$15.8)

(16). Mediheal抗皺緊緻舞會面膜1P   HK$7.9(OP$15.8)

(17). Dewytree濟洲火山泥毒蛇嫰肌純棉黑面膜30g   HK$7.9(OP$15.8)

(18). Dewytree自然晨露黑炭三部曲面膜1P   HK$9.4(OP$18.8)

(19). Dewytree自然晨露蝸牛三部曲黑面膜1P   HK$9.4(OP$18.8)

(20). Dewytree自然晨露維他命膠囊三部曲黑面膜1P   HK$9.4(OP$18.8)

(21). Mise en scene修護防脫髮洗髮露530ml   HK$28.9 (OP$57.8)

(22). Mise en scene修護防脫髮護髮素530ml   HK$28.9 (OP$57.8)

(23). Utena特級Puresa黃金啫喱骨膠原面膜3P   HK$29.0(OP$57.9)

(24). Water Front纖細輕量三摺傘(藍色)   HK$29.0 (OP$58)

(25). Water Front纖細輕量三摺傘(玫紅色)   HK$29.0 (OP$58)