Shopping Day - 卓悅 & 萬寧

啱啱過咗嘅星期六日，去咗好耐無去嘅旺角行街，入咗唔少筍貨返屋企，收穫都算係幾唔錯喎，同大家分享下我買咗啲咩 ^_^

《卓悅戰利品》

 

(1). Cloud 9 九朵雲滋潤護膚水感水凝膠面膜6片   HK$58.0 (OP$190.0)

(2). Kose Eau De Claire 膠原蛋白濃潤美容液200ml   HK$38.0 (OP$95.0)

(3). Kose Eau De Claire 透明質酸濃潤美容液200ml   HK$38.0 (OP$95.0)

(4). Rose Mine BB爽身粉香水潤膚露300ml   HK$38.0 (OP$85.0)

(5). Rose Mine 果園甜味香水潤膚露300ml   HK$38.0 (OP$85.0)

(6). Rose Mine 百合花香水潤膚露300ml   HK$38.0 (OP$85.0)

 

 

《萬寧戰利品》

 

(1). 嬌爽超凡吸收加長衛生護墊三包裝   HK$48.9 (OP$83.7)

(2). Kose CT 維他命C美白面膜5片裝   開心價精選產品75折HK$44.2 (OP$59.0)

(3). Kose CT 透明質酸保濕面膜5片裝   開心價精選產品75折HK$44.2 (OP$59.0)

(4). 高潔絲日常呵護潔膚液236亳升   HK$39.9 (OP$71.0)

(5). 高露潔適齒彈力牙刷4支裝軟毛買1送1   HK$29.9 (OP$59.8)

 

DIY手作仔 - 卡通迷你花束

早前我嘅摯友結婚，本來想買札花去做觀禮禮物，但係礙於時間同揀唔啱心水嘅原固，就決定自己DIY一札"迷你花束"去，原來比我想像中易做好多，喺到簡單咁同大家分享下，我嘅製作過程啦 ^_^

首先，大家可以上網search下，想要製作咩類型/大小嘅花束，可以先參考人地嘅配搭、襯色，咁樣就可以大概知道/有頭緒，要去準備啲咩材料。

準備好一對結婚公仔、幾束假花束(由於時間關係，去咗Aeon $12店買，若果時間許可，建議上淘寶買，之前我整結婚花球，都係上淘寶買材料，價錢平款色又多又齊)、硬咭紙、皺紙、畫紙，買齊材料就可以開工，先處理一束束嘅小花，將佢拆開做單獨一支支。

將佢拆開一支支有個好處，就係可以方便自己做拼花，因應您嘅喜好配搭唔同顏色/位置，好似我想將對結婚公仔固定喺中間咁，我就買咗一個大嘅波波球花花做中心，方便一陣去固定同承托一對結婚公仔。

處理完啲花就輪到對公仔，用頭先拆花/剪花得嚟嘅殘餘物，加針線嚟固定/支撐喺套禮服上。

公仔都處理好後，就可以同花束合併，先將波波球花頂部位置鬆開，喺中央位置平均咁插入公仔，固定好公仔再填滿番頂部啲花。

嚟到最後一part包裝，先用硬咭紙托底、再加層皺紙、外再用畫紙做cover，然後用絲帶綁個蝴蝶結，咁一札迷你花束就大功告成。

↑↑↑ 卡通迷你花束完成圖 ↑↑↑