3W Clinic Fresh Potato Mask Sheet

繼續為我嘅"密密敷●清貨大行動"而努力，今次keep going on 3W Clinic，上次試完同系列fresh嘅Q10，個用後感真係差到無朋友囉，呢次就試下佢個Potato，睇下效果係咪都係咁bad先？？？

馬鈴薯面膜小資料
包裝：獨立片裝(1盒10片)
美容液容量：23ml
質地：純棉
產地：韓國
正價價錢：HK$78.5

官方資料
◎含土豆精華，適合中性及乾性膚質。

◎促進細胞再生、補充肌膚膠原蛋白。

◎強化肌底細胞、增強皮膚彈性和透亮度。

用後感覺
◎同Q10一樣，mask sheet係100% cotton，比較厚身同唔係咁貼面，啲精華一樣係啱啱好夠。

◎同樣建議敷20-30分鐘，Q10敷10分鐘已經乾，呢款薯仔就好啲，可以敷到20分鐘先除。

◎講到功效"增強皮膚彈性"都係唔係好覺佢做到，反而覺得佢做到保濕效果，至於"增強透亮度"嗰part都叫做ok，敷完嗰刻係有少少亮白咗，總括嚟講，佢比起Q10嗰款好(雷唔得晒)，但係以佢價錢嚟計，我都係唔會再回購，始終呢個價位嘅mask可以有好多、同更好嘅選擇。




   

Gift for me - Bio-essence Deep Exfoliating Gel

收到兩支近期大熱，聲稱"摔走死皮面具，護膚品吸收零阻隔"嘅去角質Sample，多謝晒Bio-essence喔 ^_^

左手邊綠色嗰支係控油配方，適合混合與油性肌膚使用；而右手邊粉紅色嗰支就係抗敏配方，適合敏弱肌膚使用。

除咗呢兩支新配方，佢地本身有一支黃色皇牌，係適合任何肌膚嘅水潤配方，叫得做皇牌，梗係不負眾望，好多朋友仔試過都話正，網上好評更加係讚口不絕啦，可惜我屋企有兩大罌去角質產品未用完(About me同Beauty People)，所以遲遲都未買嚟試，今次收到2支sample，終於有機會可以親身體驗下，過兩日得閒試完先再同大家分享，睇下佢地係咪真係大家講得咁好用啦~
 

3W Clinic Fresh Coenzyme Q10 Mask Sheet

 

 

嘻嘻，密密敷●清貨大行動，今次嘅幸運兒就係佢啦~

 

韓國Samsung期下3W Clinic出品，應該無人唔識佢啦啩 ^_^

輔酶Q10面膜小資料

包裝：獨立片裝(1盒10片)

美容液容量：23ml

質地：純棉

產地：韓國

正價價錢：HK$78.5

官方資料

◎適合任何肌膚、抗衰老。

 

◎有效去除油脂、彷肌膚質感面膜紙，100%棉製能緊貼肌膚，用後面部肌膚更柔滑、亮澤、年輕。

 

◎低過敏面膜，含輔酶Q10成分，能防止肌膚受損、淨膚同時收斂、促進皮肌細胞再生，預防細紋，達至抗皺、緊緻的功效。

用後感覺

◎睇個包裝袋，話明係100%純棉製造，已經有心理準備，佢嘅質地一定會比纖維mask厚身，拎上手感覺都還好，影相都重透到底下隻手指，但敷上面估唔到佢真係厚成咁，移位多次都唔可以貼服，貼面程度可以話係好(極)差，一啲都fit唔到塊面。

 

◎講到精華部分，只可以話勉強啱啱夠，包裝上話敷20-30分鐘，但係我敷到10分鐘已經覺得有啲乾，撕走塊mask都勉強叫見到有少少精華液，按兩下唔洗已經咩都無晒，塊面雖然無蹦緊，但都唔覺有滋潤感，要即時搽番啲cream先唔覺乾。

 

◎總括嚟講，我真係極度唔建議大家買嚟試，因為佢標榜"肌膚更柔滑、亮澤、抗皺、緊緻"嘅功能，一樣我都唔覺佢有做到？？？最幣佢唔係做得唔出色，而家直頭咩都做唔到出嚟，敷住佢呢個厚mask一啲都唔舒服，真係白白浪費咗10分鐘去敷佢，所以呢個我一定唔會再回購，而家我屋企重幾款同呢個同系列、但唔同功效嘅mask，等我試埋佢地睇下效果如何，若果都係咁雷嘅話，以後真係要black list咗3W Clinic先得囉 =_="

 

 

 

 

Me! Club #451 Gift for Me! - L'Oréal Professionnel Vitamino Color 10 in 1 Infinite Spray

幸運嘅我早前又中獎，事不宜遲，同大家分享下我中咗咩獎先，今次又係抽中咗MeClub嘅獎，中獎名額有90人，顧名思議我就係90分之1啦，而呢次嘅獎品就係 --- 頭髮修護噴霧1支。

雖然中咗呢個唔係咩大呀、貴嘢獎，但係收到中獎信嘅email時份外開心，事關我本身係有染開頭髮，大大話話都keep住染咗成10幾年，髮質唔多唔少都有受損，平時都有用開髮尾油嘅習慣，今次收到呢支專for染髮後修護嘅噴霧，真係覺得係好啱我洗嘅禮物嚟 ^_^

上年結婚染咗個淺啡色，等set頭後出嚟效果可以明顯啲，但係就要先退色後再上色，攪到啲髮質都差晒，由嗰時起我就開始用L'Oréal Professionnel Vitamino Color系列，洗頭水+護髮素孖住嚟用，鎖色效果真係唔錯，啲顏色long lasting咗，連啲頭髮都keep住柔順埋，所以我都幾buy呢個牌子，覺得貴少少都值得keep住買嚟用。

10合1多效修護噴霧小資料
包裝：支裝噴霧
容量：190ml
產地：西班牙
正價價錢：HK$278.0
 
官方資料
◎保護染後髮絲、閃耀亮澤、終極柔軟、呈現一致頭髮質感、提供高達230度的抗熱保護、減少打結、易於梳理、減少折斷、保護開叉髮尾、減少毛躁。

◎蘊含向日葵花籽精華、維他命 C及 E、黑色素、茴香籽精華、木糖等，有助提供多重美髮效果。



用後感覺
◎今年因為有咗baby，暫時都無再去染髮 ，而之前染落嘅colour又未甩晒色，剪又唔可以話一次過剪走晒佢，家下啲頭髮兩截色不特只，啲colour無晒光澤，髮尾重有啲乾同開叉嘅問題，已經keep住用"星星髮尾油"Mise en scene damage care perfect serum，洗完頭搽完等佢吸收晒先再吹頭，搽完佢都叫ok唔會好油，用完啲頭髮都幾順滑，但係佢始終係油性，朝早我就唔會揀用佢，怕會整到啲頭髮好油同好黏膩，而家多咗支spray我就可以攞嚟朝早用，oh，that's good！

◎講番支infinite spray先，一睇樽身寫住"made in spain"已經覺得好放心，起碼唔係made in china先嘛，再加上佢含有多種天然精油成分，呢點真係中晒我嘅大愛point囉！噴上頭髮，佢嘅噴霧出嚟係好密、每噴一下份量都好足，噴4下已經cover到我成個頭(我頭髮及肩)，我就會梳順啲頭髮先，跟住我習慣會再喺髮尾重點噴多兩下，然後再梳多一次髮尾。

◎噴完spray感覺好乾爽、啲頭髮唔會有黏膩感，望落啲髮質柔順同有光澤咗，隔咗幾個鐘再梳頭，都唔會出現卡頭髮嘅情況，頭頂啲毛毛都撫平到無咁毛燥，大致上我keep住用咗一星期(每朝用)，都幾滿意個效果，至於您話做唔做到"保護染後髮色、減少頭髮折斷同開叉、係咪可以抗熱力保護"呢啲功效，我就未試到出嚟，可能要等用長啲時間，用晒一支先知係咪真係work out到。

我的美麗日記清酒酒粕面膜

 

最近添置咗唔少護膚品+面膜，買下、買下又開始堆積如山，特別係我啲面膜，paper mask數量已經超過3xx塊存貨，呢日放假就的起心肝執拾一下，要實行我嘅清貨大計先得，所以將好多一盒用剩2、3塊嘅mask抽起，掉咗個盒將啲散裝group埋一齊，騰番多啲空間出嚟擺我啲新貨。

 

 

辛苦完一輪，成績都算係幾唔錯，但係group出嚟嘅面膜數量唔少，都有成幾十塊囉，即刻remind咗我要勤力啲敷mask，正所謂：打鐵趁熱嘛，我嗱嗱聲抽塊嚟敷下先，而幸運兒就係呢塊"我的美麗日記"嘅"清酒酒粕面膜"啦 ^_^

 

 

清酒酒粕面膜小資料

包裝：獨立片裝(1盒10片)

美容液容量：23ml

質地：多層親肌水膜紙

產地：台灣

正價價錢：HK$65.0

 

官方資料

◎一般膚質、角質較厚及欲細緻肌膚者，能提升肌膚抗氧化能力，深層淨白肌膚，促進回復肌膚彈力、角質再生的修護能力。

 

◎白透無瑕，溫和清酒酒粕，內含酵母的極度細緻特性，使肌膚光滑、潔淨、透亮，協同維持肌膚處於健康狀態的專利持續型保濕成分CosphingoTM，以及金雀花萃取物，肌膚飽滿含水量，滋養並改善粗糙肌膚，呈現肌膚淨白無瑕的透明感。

 

◎平滑細緻，金盞花萃取物有助於保護肌膚、舒緩肌膚的不適感，改善輕微的皮膚敏弱現象，搭配積雪草萃取物的草本精華，深層保濕，減緩因乾燥引起的皮膚癢，重現細緻的光滑極緻美肌。

 

 

 

用後感覺

◎一向都係"我的美麗日記"忠實fans嘅我，真心係鍾意佢呢隻舊版水膜紙多過新版嘅布膜，雖然新版薄身啲、貼服度又高啲，但係啲精華實在係太水，敷上面係邊敷邊滴水嘅，所以我都係buy佢舊版多啲。

 

◎講番呢隻酒粕mask先，敷上面有淡淡清酒味(唔洗擔心，只係超輕微)，一如以往，貼服度唔錯、啲位都cover得幾好，敷上去有清涼感覺幾relax下，敷20分鐘除落嚟，都重有精華hold喺塊面，按摩一陣好快吸收咗，塊面即時飽水晒重明亮咗，以$6.5一塊計有咁嘅效果，真心覺得佢係超值，而我買嘅時侯，卓悅重要做緊amazing summer sale只係$29盒，除開$2.9一塊真係抵到爛囉，咁嘅價錢日日敷都唔會心痛呀！