Bicelle Hydra B5 Gel

急不及待，試咗之前買Beauty Box裡面包嗰支Bicelle B5 Gel，其實都有好多blogger介紹過，話佢有幾好用、幾保濕、幾鎖水，一路都心思思想買嚟試，但係礙於佢價錢真係唔平，要成4百幾蚊一支，所以遲遲都未帶佢返屋企，點知無意中見到Neo Derm Beauty 10月號Beauty Box包咗佢，價錢只係$120重要連埋其他sample，梗係諗都唔洗諗，即刻訂番set嚟試下先啦！







全效維他命B5補濕精華小資料
包裝：滴管樽狀
容量：30ML
質地：水狀
產地：美國
正價價錢：HK$420.0


官方資料
◎成分 - 透明質酸、維他命B5、綠茶精華、甘油、活胜肽、積雪華。

◎功效 - 迅速注入1000倍水分至肌膚底層、減退幼紋、乾紋，回復水盈細滑、鎖緊水分於肌膚底層，持久保濕。

用後感覺
◎未開前確實係充滿期待，始終大家都推佢推得好行，我自己本身係混合性偏乾皮膚，加上天氣都開始轉涼，所以都好想搵隻"保濕又鎖水"嘅精華，遲不宜遲，即刻試下佢效果有幾好先？

◎打開揼咗兩揼，就有手掌嘅份量，質地好水唔似一般精華咁杰身，搽上面+頸按摩再輕拍至吸收，佢都幾親膚同幾易吸收，搽完感覺就有層薄cover住，但就唔會話有黏膩感嘅。


◎佢嘅效果真係唔錯，做到即時保水效果，最正係佢keep到鎖水，初時我都無為意嘅，直到第二朝起身塊面仍然水潤，唯一美中不足係，佢個味道怪怪，有啲剌鼻嘅臭味，真係令人有啲抗拒，我印象中佢係"無色、無味"先啱，所以我上網search下資料，發覺有用家同我情況一樣，話懷疑係買到假貨/過期貨。

◎我自己就覺得，買到假貨嘅可能性就比較低，因為我係經Neo Derm Beauty直購送貨，反而我就擔心產品嘅有效期多啲，所以我喺facebook同佢地聯絡，您好，我早前收到BEAUTY BOX，尋日先開嚟用，我上網睇介紹，支B5 GEL唔係無色無味? 點解我嗰支B5 GEL會有臭味? 一心想了解清楚究竟係邊part出現問題？之後得到佢地回覆：你好，B5 Gel係純天然及冇任何香料加工，並且B5 Gel內含植物成份，以致有這種氣味。可以放心使用:) 謝謝 既然佢地reply得ok無問題，我都會放心用埋去，不過陣味真係有啲難頂，我自己就唔係咁接受，用完都唔會再回購，若果有興趣買嘅朋友仔，建議大家可以親身試下個味先再作決定。

Thayers Rose Petal Witch Hazel



今次試用咗好多用家都讚不絕口Thayers嘅"玫瑰花花水"，我揀佢嘅原因係因為佢無酒精、成分又夠天然，特別係佢嘅formual好fit到我需要。

 

呢個系列爽膚水有7款俾大家揀，分別係"無味、原味、檸檬、黃瓜、蘆薈、玫瑰花、同薰衣草"，另外佢唔係款款都無酒精嘅，想揀無酒精成分嘅朋友就要注意。我個人比較偏好用玫瑰味嘅產品，加上我係混合性偏乾皮膚，見佢成分有保濕嘅蘆薈，索性就揀咗呢款嚟試下。

金鏤梅玫瑰花蘆薈爽膚水小資料

包裝：膠樽裝

容量：12fl oz (355ml)

質地：水狀

產地：美國

正價價錢：HK$98.0

 

官方資料

◎Thayer純玫瑰花水，Alcohol-Free Toner 不含酒精，醉人的玫瑰芳香溫柔呵護著肌膚，一直深受眾多女性所青睞。

 

◎超強保濕，鎮靜滋潤，水嫩緊致，抗氧防皺，浪漫迷人。獨家配方的金縷梅精華、玫瑰花瓣水、有機認證蘆薈，維他命E，葡萄籽精華，天然香精等，萃取後的金縷梅不含酒精成份。

 

◎適合所有膚質，特別是敏感膚質，尤其是中性或偏乾的膚質。

 

 

 

 

成份簡介

◎金縷梅 : 有效收毛孔及預防毛孔閉塞，同時有效抗氧化。

◎玫瑰花瓣 : 玫瑰花瓣是具有抗衰老功效的天然植物，玫瑰的清幽花香能夠有效舒壓。

◎有機認證蘆薈 : 強效鎖水保濕及有放預防抵抗外來刺激。

◎維他命E : 抗衰老。

 

 

用後感覺

◎先唔講佢好唔好用先，淨以價錢$98嚟計(iherb網購重可以再平啲$6x就買到支)，有335ml容量嚟講，佢真係好鬼抵用，大大支豪住用都唔會肉痛。
 

 

◎打開樽蓋有鍚紙封口，絕對保正產品新鮮。

◎爽膚水用法 - 由於佢價錢親民，我會倒多啲落棉花抹面+頸，濕咗塊面再拍至吸收，用完真係覺得好保濕，同埋佢嘅玫瑰香味好靚，令人有好fresh嘅感覺。

◎濕敷面膜用法 - 將玫瑰水倒落杯仔，加入面膜紙浸濕再敷上面，一路敷一路聞到玫瑰清香，個人可以好relax，敷5-10分鐘撕走，保水效果真係好好，塊面即時飲飽水，上妝前用嚟急救皮膚就一流啦！

◎題外話：我用嘅壓縮面膜紙係Kose出品，佢質地厚薄適中唔焗身，加上佢cutting唔錯做到好貼面。

◎保濕噴霧用法 - 倒落噴霧樽仔帶出街，可以當佢moisture moist，噴上面即時幫您保水，重有陣陣玫瑰清香，細細樽方便攜帶，隨時拎出嚟用都得。

 

溫馨提示

◎Thayers呢個brand喺香港暫時未有shop、亦無設任何專櫃，想了解多啲佢地嘅產品，可以clikc條link去睇下http://www.thayers.com/?fa=home，另外若果有興趣試嘅朋友仔，除咗喺美國網站www.iherb.com訂番嚟之外，都可以去ig shop、Yahoo拍賣搵到，我就諗住買1支試下，好用先再喺iherb訂，但又怕香港網上會買到假貨，所以我就搵信譽較好嘅舖頭(黑咪小店)落order，佢地暫時只得一間店喺銅鑼灣，親身上舖重可以試下個texture啱唔啱您，銅鑼灣唔近您都唔緊要，因為佢地嘅價錢本身已經包咗平郵，可以上佢地fb睇product再eamil落order，我買完一星期內就收到貨，我自己就幾buy網上購物，覺得方便又快捷，安坐家中就可以收貨lu ^_^

 

 

 

 

 

 

Shiseido Perfect Watery Oil

最近試用咗Shiseido呢支卸妝油，聽個名"洗顏專科"好似好pro，加上佢標榜"厚重睫毛膏，也卸得乾淨"，聽落好強勁咁喎，同埋佢價錢又ok唔貴，重要係made in Japan，所以就吸引咗我買佢返嚟，真係要試下佢有幾專科啦~

超微米水潤保濕卸妝油小資料
包裝：膠樽揼裝
容量：230ML
質地：水液狀
產地：日本
價錢：HK$128.0

官方資料
◎淡淡新鮮水果香氣，溫和不刺激，濃厚重睫毛膏也能輕鬆卸除。

◎添加保濕美容液的新水潤卸妝油，不需重複搓揉，毛孔深層汙垢與防水睫毛膏也能輕易溶出。

◎洗澡時，手濕、臉濕也可以使用。

◎含皮脂清潔成分，洗淨後，清爽不油膩。

◎守護肌膚水分，水嫰不緊蹦。

用途
◎深層清除臉部及眼唇之彩粧及髒污。

使用方法
◎乾濕兩用，約按壓頭4次於掌心，輕輕按摩臉部，使卸妝油與彩粧充分溶合。

◎待卸妝油充分溶合後，再以清水或溫水徹底沖洗乾淨。

用後感覺
◎揼一下喺手，已經聞到淡淡嘅青蘋果味，嗰種味道我個人幾鍾意，聞落好清新同唔會刺鼻。

◎質地比水狀杰身少少，但又唔會好似一般卸妝油咁厚實，係比較水潤嗰種，上面按摩感覺非常良好，好滑手按得好舒服。

◎過完水之後，皮膚仍然keep住水潤，應該係佢添加咗保濕美容液嘅關係，完全唔會覺得有丁點繃緊，摸落皮膚重滑一滑，唔知重以為敷完mask添喎！

◎平時我化淡妝或者無化妝，只係搽咗防曬嘅時候，我揼2下份量就足夠全面有餘，若果有化妝(特別係畫咗眼線)，我先會按官方說明咁揼4下，試過就咁打圈方式全面按摩，但眼線位就較難卸得乾淨，所以通常我會揼落棉花到(分兩片棉花，每片一揼份量)，再放眼位敷一陣再抹走，咁樣做就卸得好徹底同乾淨。

◎總括嚟講，真係幾有驚喜，覺得佢絕對抵買，因為真心見識到"專科"嘅威力，試過濕手/面用都一樣係咁work，唔只清潔能力好好，亦做到乾爽同時保濕，同埋鍾意佢嘅果味夠fresh，用佢嚟按摩塊面好relax，所以都值得推俾大家買嚟試下。

Nature republic super aqua max soft peeling gel

天氣開始轉涼，護膚/潔面產品都要適當調整下，今次就同大家share一款啱秋冬用嘅去角質產品，呢款去角質啫喱含有保濕成分，加上佢性質溫和，用後都唔會覺得皮膚繃緊。

超極致保濕去角質啫喱小資料
包裝：支裝
容量：150ML
質地：啫喱狀
產地：韓國
價錢：HK$98.0







官方資料
◎深層保濕，含有豐富礦物質的海水和30種洋植物成分，護理皮膚，海洋成分使肌膚快速吸收，滋潤無黏膩感，提亮膚色，使肌膚明亮有光澤，取清潔皮膚表面和毛孔的汙垢，使皮膚潔凈光滑。塗上後頓感水分和營養，立顯水潤柔嫩肌膚。


主要成分
◎海水，海葡萄提取物，海藻提取物，海帶提取物，Hostail海帶提取物，花菜提取物，綠紫菜提取物，浮遊生物提取物，馬尾藻提取物，海參提取物，牡蠣提取物和30種海洋植物提取物。

用後感覺
◎唧出嚟gel狀質感，放上面打圈按摩，啲磨砂粒粒好幼細，一路按都唔會覺得唔舒服，加上佢有保濕成分，用完過水都無覺得乾，出嚟效果都唔錯，塊面望落有光澤咗，清除咗角質層嘅皮膚摸落亦滑咗，大致上我都好滿意，價錢合理都值得推俾大家去試下。

3W Clinic Fresh Snail Mask

繼續我嘅"密密敷●清貨大行動"，講咗3W Clinic Fresh系列幾款mask，今日嚟到最後一塊，感覺捱完終於可以脫苦海啦~












蝸牛面膜小資料
包裝：獨立片裝(1盒10片)
容量：23ML
質地：純棉
產地：韓國
價錢：HK$78.5







 

官方資料
◎含豐富的天然膠原質、蝸牛黏液、彈力蛋白、蛋白質、多種維生素、甘醇酸等。

◎蝸牛黏液中天然的甘醇酸，能促進肌膚的新陳代謝，同時，將所含之美膚滋養成分帶入肌膚深層，修複肌膚，進而恢複肌膚的柔軟、光滑、細緻， 達到保濕、抗皺、抗痘等功效。

用後感覺
◎經過幾次試用同系列fresh嘅mask，都知道佢嘅精華唔係好夠洗，我事前已經用保濕精華打定個底先，希望敷完出嚟效果可以好啲。

◎打撕開包裝袋，拎塊mask出嚟就知大件事啦，睇落啲精華好似好夠咁，但係其實佢個texture係好杰撻撻，未敷上面對手都已經好有黏膩感。

◎正式上面兩個字形容晒，真係"極差"囉，純棉膜紙極厚，敷上去已經唔舒服，啲精華質地又黏膩，上咗面直頭有焗嘅感覺，都未敷到15分鐘(官方時間係20-30分鐘)，已經覺得乾同繃緊，撕走塊mask係有少少精華喺面，但我忍受唔到嗰種黏膩感，要即刻走去過水先得，過完水只係覺得得好繃緊，保濕嘅效果就一啲都feel唔到，要重復再搽保濕精華+面霜，塊面先覺得舒服番啲，OMG！！！我真係好少敷一隻mask，有咁抗拒嘅感覺，所以我真係強烈唔建議大家試，絕對係浪漫金錢同時間 =_=