Manyo Factory - Bifidalacto Cream (Special Treatment Essence Cream)

Manyo Factory嘅產品除咗價錢實惠，用家嘅口碑更加係有讚無彈，之前用咗佢支"再生精華液"真心係唔錯，所以今次就買埋佢支"Bifidalacto Cream"嚟試，唔好睇少呢支面霜，佢聲稱1支有7大功效，唔只可以搽面、重可以搽喺眼、頸同胸部，一見到佢話眼位都可以搽，即刻就吸引咗我帶佢返屋企，因為覺得買咗要嚟出trip就好方便，帶一支就攪掂晒、夠慳位、重唔洗煩。

全效修護面霜資料
包裝：支裝 
容量：40ml
質地：cream狀
產地：韓國
價錢：HK$260.0

 

官方資料

◎7大功效：緊緻提升、去皺淡紋、收細毛孔、舒緩保濕、美白去斑、豐胸美胸、改善面形。

◎Bifidalacto Cream 蘊含 5%volufiline，可以即時為做到面部提升效果，每1%嘅volufiline，可增加22倍脂肪細胞的體積，效果可以改善面形，令蘋果肌再現，無需打針立即緊緻提升， volufiline成份可於豐胸/美胸產品找到，可以搽於胸部位置打造豐胸效果。

◎全效修護面霜可重點點於眼紋、虎紋、頸紋等位置，一星期後細紋明顯減淡，達至去皺淡紋，當中多肽蛋白有效抑制額頭抬頭紋及眼睛魚尾紋，令肌膚彈性組織回復柔順平滑的線條、減少臉部細紋。乳木果及角鯊烷為天然肌膚保濕劑，特別適合寒冷天氣使用，可補充皮膚天然皮脂，有較佳的抗氧化能力，Niacinamide可促進皮膚細胞增生、抗氧化、抑制黑色素，有美白作用，為最佳的淡斑成份。

小Hi用後感
◎唧出嚟質地幾creamy，上面保濕得嚟又唔會話太潤，吸收得都好快又唔笠，試過全面(連眼位)搽佢都無出油脂粒，very good！

◎眼紋/頸紋嗰啲我無乜，反而我嘅虎紋就比較深，所以會重點搽多少少喺虎紋位置，出嚟效果唔錯，真係撫平同減淡咗，反而美白效果就唔多覺。

◎我自己本身都幾buy MF嘅產品，一向都覺得佢地有信心保證，今次呢支bifidalacto cream都唔例外，雖然我只係用咗一星期，但出嚟效果我都好滿意，最愛佢連眼位都搽得，加上價錢又超值，所以真心推介俾大家 ^_^

Gift for me - Estee Lauder Advanced Night Repair體驗裝

 

今次同大家分享Estee Lauder喺Facebook攪嘅"Lauder Advanced Night Repair體驗裝"活動，成功登記可以換領Advanced Night Repair精華試用裝7ml，有興趣嘅朋友仔快啲去http://bit.ly/ANR2016登記，因為呢支精華要成$620/30ml，而家免費送7ml體驗裝，加上我用過(本身係我嘅大愛)超好用，所以真心推介俾大家 ^_^

Gift for me - The Body Shop®限時美肌獎賞

Body Shop喺facebook攪咗個"美肌獎賞"活動，成功登記可以獲得升級版"植物幹細胞活肌精華"1ml體驗裝2包，完成登記後會收到email，去任何一間香港/澳門分店，向店員出示電郵，店員就會幫您換取sample架啦 ^_^

活動由即日起至2月11日為止，有興趣攞sample嘅朋友，就去以下網址↓↓↓登記啦~

https://apps.facebook.com/tbs_sampling/

 

 

 

 

The Masks Blueberry Essential Mask Pack

早兩日試完Marianne Hoppe嘅Q10輔酶mask，今次就試埋The Masks嘅藍莓mask，呢個brand又係第一次用，本來想上網search下資料先嘅，點知又搵唔到佢地嘅產品介紹喎，所以今次就純分享我嘅用後感。

藍莓面膜資料
包裝：獨立片裝
容量：21g+2g
質地：棉質
產地：韓國
價錢：HK$7.0

小Hi用後感
◎藍莓mask嘅膜紙比Q10好啲無咁厚身，但2款都係偏大張，用喺我到明顯係oversize =_="
 
◎佢嘅精華同樣係23g，敷上面就有濕潤嘅感覺，一樣係建議敷10-20分鐘，今次敷完20分鐘塊mask都唔乾，按摩等精華吸收完皮膚都無蹦緊，敷完有明亮、白淨嘅效果，真心覺得呢款比Q10輔酶好用喎！


　

Gift for me - Laneige 「全新Perfect Renew Cream及Perfect Renew Eye Cream」免費體驗

Laneige最近喺facebook攪咗個「全新Perfect Renew Cream及Perfect Renew Eye Cream」免費體驗活動，成功登記可以換取佢地全新升級版Perfect Renew Eye Cream及Perfect Renew Cream體驗套裝乙份。

↑↑↑換領時Eye Cream無貨，換咗眼部精華俾我↑↑↑

有興趣嘅朋友可以去登記：
http://laneigehk-campaign.com/perfectrenew_sample5/mobileApp

Botany Natural Face and Body Scrub - Lavender and Coconut

Botany係一個澳洲品牌，專營100%天然純植物精油肌膚保養品，標榜不含防腐劑、無硫酸鹽(sls)、無石油提取物、無進行動物測試、無香料及色素添加劑。

薰衣草+椰子天然磨砂
包裝：罌裝
質地：粉狀
產地：澳洲
容量：55g
價錢：AUD 18.95

官方資料
◎適合各種肌膚及敏感性肌膚。

◎蘊含純天然薰衣草精油和椰子植物纖維，幼滑細緻的磨砂粒子，在有效清楚皮膚同時，能溫和去除肌膚死皮角質及促進血液循環，令肌膚潔白、幼滑、細緻。

◎使用方法：取適量在濕潤的面部或身體劃圈按摩，再用清水沖洗乾淨，亦可加入潔面乳配合使用。

小Hi用後感
◎對我嚟講，一打開個賣相已經唔係咁吸引，要加水開嚟用都覺得有啲不便，份量都比較難控制，太水太杰都唔係咁好。

◎第一次用Botany呢個牌子，覺得效果都唔錯幾滿意，佢嘅薰衣草味幾濃郁，但椰子味就一啲都聞唔出，上面感覺都可以，磨砂粒子都好幼細，打圈按摩都唔會唔舒服，過水之後皮膚雖然無滋潤感，但又唔會話覺得乾同蹦緊，肌膚即時乾淨同明亮咗。

◎總括嚟講，佢嘅價幾計落都係一百蚊鬆啲，佢去死皮+淨白效果做得幾唔錯，加上佢天然唔含防腐劑，連敏感性肌膚都用得到，我本身都幾buy佢嘅，但唯一美中不足係個用法唔夠user friendly囉！

Gift for me - 【營孖媽聖誕新年送大禮 – 第一回】

早喺幾個月前，第一次參加媽媽講座(惠氏)，認識咗有對孖b嘅營養師講者Katrina，之後重喺facebook add咗佢做朋友仔，一路都有留意佢嘅FB嘅動態，喺12月24號佢同德國品牌Humana攪咗個大抽獎，送出"Humana LACTOGÈRMINE PLUS 益生菌及益生元"1盒10支(價值$178)，得獎名額50名。

為咗支持營媽我同3位朋友都參加咗，哈哈，估唔到又抽中咗我喎，最攪笑係朋友send message嚟，話恭喜晒我中咗獎，我重傻下傻下話係咩？我中咗咩獎呀？之後收到Katrina留言先知抽中咗佢嘅獎品 ^_^

Marianne Hoppe Coenzyne Q10 Essential Mask Pack

第一次用Marianne Hoppe嘅面膜，本身對呢個brand無咩認識，所以用之前上網search咗啲資料，原來佢地採用純植物精華、成分天然得嚟重無添加防腐劑，聽落就好似幾好、幾吸引，唔知用落效果又係點架呢？

Q10輔酶面膜資料
包裝：獨立片裝
容量：21g+2g
質地：棉質
產地：韓國
價錢：HK$7.0

官方資料
◎Marianne Hoppe純植物綠色面膜
無防腐劑等添加劑，內含植物水果精華，使皮膚如水果般白嫩。

◎Q10輔酶有效減媛細胞老化，修複受損組織，淡化皺紋使皮膚富有彈性、亮澤，並可以強化皮膚，有抗皺功能。

小Hi用後感
◎拆開包裝袋，棉質mask嘅cutting比較大同厚身，望落23g嘅精華好似好足料，但敷上去感覺又唔係太濕潤。

◎官方建議敷10-20分鐘，但敷到10分鐘已經覺得有啲乾，我就撕走塊mask費事乾得滯俾佢反吸，面上嘅精華吸得七七八八無乜得剩，一按摩就已經吸晒，要即時on top搽番cream先夠滋潤。

◎用完覺得效果一般，皮膚除咗有少少彈性之外，就唔覺有咩明顯幫我改善到，以$7嘅價錢嚟講雖然唔貴，但個人覺得$7可以有更好嘅選擇(例如：我的美麗日記)，所以呢款mask我就唔會推介俾大家。

Shopping Day - 卓悅



《卓悅戰利品》

 

星期六放假出咗旺角，路過走咗入"卓悅"八下有咩筍嘢，結果我又掃咗啲嘢返歸lu ^_^"

 

 

(1). Sandokkaebi洗衣機專用除菌去污劑450g*3   HK$7.0 (OP$25.2)

(2). 丸三化粧棉70片*2   HK$8.0 (OP$15.0)

(3). EOS Lemon Drop SPF15 7g   HK$9.9 (OP$48.0)

(4). Santa膠原透明質酸保濕潤唇膏 - Melody   HK$9.9 (OP$36.8)

(5). Santa膠原透明質酸保濕潤唇膏 - Kumamon   HK$9.9 (OP$36.8)

(6). The Face Shop蜜桃潔面泡沫170ml   HK$12.0 (OP$52.5)

(7). FA Deo Rollon - Lemon 50ml   HK$15.0 (OP$25.0)

(8). Neutrogena Lip Moisturizer SPF15   HK$15.0 (OP$46.0)
(9). Holika Holika竹子舒緩潔面泡沫120ml   HK$18.0 (OP$33.6)
(10). Tony Moly 香蕉唇蜜 7g   HK$29.0 (OP$47.3)
(11). Tony Moly 香蕉牛奶手霜 45ml   HK$29.0 (OP$78.8)
(12). Kohaku琥珀肌高保濕精華化妝水220g - 清爽   HK$58.0 (OP$78.8)
 

 

 



雅培媽媽會講座 - 初生嬰兒護理知多少+湊B攻略

相信好多準媽媽都聽過"雅培"同"雪印"嘅講座係好難join到，先講"雪印"佢地嘅講座比較少，有時1個月1次、有時2個月先1次，而"雅培"佢地通常會之前通知幾時有講座，但您要自己mark實日期、時間上網報名(準時8點先可以抽)，加上名額只係得100個，所以都好難load到入去，到load到嘅時候就已經額滿，呢兩個講座我同時都抽咗3次，可惜3次都無緣抽唔中我 =_="

不過好好彩，我聯絡雅培媽媽會嘅facebook，同佢地講因為我抽咗幾次都抽唔中，加上我預產期係2月14號，所以好希望可以報後補位，佢地叫我留低聯絡電話，跟住即日就有同事call嚟跟進，重幫我安排好出席1月17日嘅講座，相反雪印隔咗4日先覆嚟話：抱歉，沒有後補位。

官方資料
日期：2016年1月17日(星期日)
時間：下午12時45分至3時15分
地點：九龍佐敦逸東酒店(九龍彌敦道380號)
講座內容：初生嬰兒護理知多少、湊B攻略

 

 

未去前覺得聽2個幾鐘好長，去到原來講座內容非常豐富，先由兒科醫生講解嬰兒問題、跟住有營養師講懷孕/產後餵哺母乳飲食、最後由按摩師教唔同階段嘅嬰兒按摩技巧，3 part完晒就會分批過去另一個廳睇現場示範，散場時填埋問卷交俾工作人員就可以換到禮物一份。

 

禮物有雅培熊仔頭筆1支、file 1個、媽媽奶粉試用裝3包、同胎心機1部，禮物雖然唔算話好多，但係我覺得個"胎心機"係幾貼心、幾實用，部機重有個特別function，可以錄低bb心跳聲keep record嘅！