Nature Republic The First Essence

我個人幾鍾意用含"酵母"成分嘅精華水，因為佢唔只可以幫助調理肌膚，重有保濕同提亮膚色嘅功效，除咗Secret Key嗰支酵母神仙水係我大愛之外，Nature Republic酵母精華亦都係我嘅心頭好，兩款我都已經回購咗無數支，重要每次都係幾支、幾支咁掃，效果絕對對得起個價錢有餘，真心推介俾大家係超抵買 ^_^

酵母修護活肌精華小資料
包裝：樽裝
容量：150ML
質地：水狀
產地：韓國
價錢：HK$243.0

官方資料
◎成分為酵母提取物，積雪草提取物，馬齒莧提取物，牛蒡子提取物，甘草提取物，芍藥提取物，蛇床子提取物，薰衣草提取物，迷迭香提取物，蘑菇提取物 Sanghwang，洋甘菊提取物，卡瓦提取物，葛根藤提取物，棉花糖提取物，薰衣草提取。

◎含發酵的酵母提取物和草本複雜的自然發酵的成分活化肌膚，保濕，收緊，清潔死皮細胞，控制皮脂，提亮膚色，發酵酵母成分包括90％，幫助其他產品的吸收，7種有機草本提取物安撫和保護皮膚。

用後感覺
◎一般洗完面，我會先將精華水倒落棉花，第一步用作清潔(死皮)，輕輕全面抹一次，跟住我會將精華水倒落手，再輕拍上面作保濕之用。

◎拍完上面有種好舒緩嘅感覺，佢嘅味道好清香，每次用我都覺得好relax，佢保水效果好顯著，即時會feel到肌膚飲飽水、同有彈性咗，keep住用重會覺得膚色明亮咗。

Karadium Cream Cheek Stick

平常我慣性用開胭脂粉、胭脂水，今次就試用咗Karadium雙頭胭脂膏，貪佢一支已經連埋個掃，拎出街補妝一支過，唔洗又額外帶多個掃lu~

胭脂膏小資料
包裝：條狀
容量：9.5G
質地：膏狀
產地：韓國
價錢：HK$138.0

用後感覺
◎胭脂膏有三隻色俾您揀，1號Indi Pink糖果粉紅、2號Warm Coral珊瑚橙、3號Soft Peach蜜桃，睇色板嘅時候3隻色都好靚、好自然，真係好難揀得落手，最後我就揀咗3號嘅蜜桃色，諗住peach色for秋冬用比較合適。

◎胭脂膏雙頭設計，掃毛非常幼細，毛質只有0.05mm，打圈搽都好soft，一啲都唔會覺得拮面。

◎胭脂膏質地好順滑，畫上面都唔會話卡住，畫幾下上面，用掃blend開，啲色好自然唔會實，唔會有笠痴痴嘅感覺，上色唔暗啞重有啲光澤。




◎之前未用過胭脂膏，原來膏狀胭脂係咁貼妝，唔會有甩粉情況之餘，持久度重幾高下添喎，補妝畫一兩下上面，再用掃掃開就攪掂，淡淡嘅胭脂好自然，補妝真係超級快捷，細細支帶出街又方便喎，下次可以試埋其他色，加上佢掃頭重可以拆出嚟清洗，呢個設計真係夠晒貼心，啱晒有少少潔癖嘅我，I really like it ^_^

Luna Essence Stick Foundation + Perfect Face Brush

成日聽見人講Luna嘅"爆水粉底"有幾好用，而家"爆水粉底"已經出到第二代，但我自己都重未親身用過呢個牌子，唔知係咪真係人地講得咁好用，其實唔係唔心郁想試架，但係3月去韓國嘅時候，入咗好幾個牌子唔少bb cushion、cc cream都未用晒，所以短期內都唔敢買嚟試，諗住等用減啲屋企存貨先，點知咁啱又撞正網購做Luna嘅promo，佢地新推出嗰set精華foundation+粉底掃，兩個item只係賣緊$258咋，您話睇多兩睇點會唔心郁呢？ 最終我都敵唔過引誘，敗咗一set返屋企啦 ^_^

保濕精華粉底條小資料
包裝：條裝+掃
容量：9.5g
質地：膏狀
產地：韓國
價錢：HK$258.0

官方資料
◎保濕精華粉底條，揉合咗保濕精華喺粉底，適合秋冬乾燥天氣使用，有補水、滋潤、提亮、美白、抗皺、防曬、防水多功能，比起其他粉底條有更全面補濕能力。

用後感覺
◎首先要讚下個Season new set裝夠貼心，除咗支粉底條之外，重附送埋支粉底掃俾您，for大家轆完啲粉底上面之後，可以輕而咁blend開啲foundation，而呢個season new有兩隻顏色可以揀，21號Light Beige同23號Medium Beige，粉底條重含防曬SPF 37 PA+++，我自己用緊呢支就係23號色。
 

◎粉底掃採用粗幼、長短毛設計，容易控制粉量同可以均勻粉底，至於掃嘅毛質好soft，上面一啲都唔會拮面，毛量亦都夠晒濃密，唔會話食粉太多導致厚妝，連上眼位都仗好貼好薄，出嚟效果唔會有掃痕之餘，重做到貼薄自然、同時有足夠遮暇度。


◎粉底條保濕能力幾強，搽上面即時感覺水潤，過咗一陣就變得清爽，hold喺面一啲都無黏膩感，雖然無加碎粉定妝，但用咗一日個妝都keep到無浮粉，用完膚色均勻、望落都明亮有氣色咗，俾人感覺都精神啲。

◎總括嚟講，我好滿意呢支foundation stick連掃，可以話係今個秋冬嘅"平靚正"之選，因為一般毛質好少少嘅粉底掃，都要成$2xx-$3xx不等，而Luna呢個掃上完粉，個掃都keep到好乾淨，唔會食晒啲粉係個掃到，所以淨係支粉底掃都已經值回票價，加上佢嘅foundation真係唔錯，貼薄之餘coverage都好夠，我混合性偏乾皮膚用都夠保濕，唔會厚妝得嚟又夠自然，唯一美中不足係，支粉底掃唔可以收埋，若果做到伸縮版就好，而家帶出街用就要袋得好啲，唔好俾其他嘢壓到佢變型同甩毛。

◎若果大家都物色緊for秋冬用嘅粉底，不妨考慮下Luna呢支foundation stick，佢確實係幾方便易用，出嚟效果又做得唔錯，應該可以帶到驚喜俾大家 ^_^



 

Hanyul Rice Essential Skin Softener

相信唔洗多介紹，好多朋友仔都應該有聽過"韓律"呢個brand，特別係"來自星星的你"千頌依用嗰支精華，真係出名到不得了，曾經更加一度出現搶購潮，咁啱撞正嗰個時候我去咗韓國旅行，所以都唔執輸入咗幾支貨返嚟，不過佢價錢就唔算好親民，比一般平價產品貴少少，KRW35,000一支，香港買就要成$3xx一支，最近我終於用完晒一支，所以就同大家分享下我個用後感啦 ^_^

大米軟膚精華(爽膚水)小資料
包裝：瓶裝
容量：150ML
質地：水狀
產地：韓國
價錢：HK$350.0

官方資料
◎由韓國驪州優質大米發酵提取物提煉成的韓律紅麴發酵精華，有效改善乾燥無澤既肌膚，給乾燥的皮膚深層補充水分，使皮膚長久保持濕潤狀態，同時還能起到美白和改善皺紋的。

功效
◎用後肌膚更白滑，提升了光澤，增加彈性，膚色更均勻，和更具水感。

用後感覺
◎韓律本身係主打漢方成分，所以精華水倒出嚟您會聞到有少少人蔘味，人蔘味道唔會話太濃，我個人覺得可以接受。

◎精華水本身有分兩種，Essential同Balance，Balance係清爽型，而Essential就比較保濕，我本身係混合性偏乾皮膚，所以我就揀咗Essential嚟試。

◎我嘅習慣係洗完面，先用爽膚水濕棉花抹全面，之後先再拍上精華水加強保濕，雖然Essential係滋潤型，佢質地係液狀但又唔會話好杰身嗰種，拍上面按兩下好快就吸收，搽完塊面唔會有黏膩感，皮膚好似即時飲飽水、同好有彈力。


◎雖然以價錢嚟講，佢唔算好平、好大眾化，但係so far我自己用完一支，佢嘅效果真係唔錯，幫皮膚keep到好保水，有時我敷mask前都會拍一層，先再on top敷個mask上去，可以更加將個精華水鎖住，個保濕效果會keep得好好多。最後overall嚟計，價錢同個質量係成正比，我個人就認為物有所值，所以都會繼續回購嘅！



 

Online Shopping - Luna + Karadium

最近又網購咗啲嘢，所以開個post同大家share下，我今次買咗啲咩東東返嚟先 ^_^
 

(1). Luna Essence Stick Foundation + Perfect Face Brush #23 9.5g (OP$258.0)

(2). Karadium Cream Cheek Stick #3 8g (OP$ 138.0)





Luna嗰set係Season new，1set 包咗粉底條+粉底掃，個價錢淨係買支掃都要咁上下價，加上Luna呢個牌子一向好評如潮，所以話呢set真係抵買都無朋友。至於Karadium支胭脂條，佢係雙頭設計嘅，一邊係胭脂膏、另一邊就係掃，一支有齊晒兩樣，帶出街補妝就最方便不過啦！


另外，紅色嗰包係乜東東嚟呢？其實佢係贈品嚟嘅，落order嘅時候唔知會有，收到貨時拆開袋先見到嘅，重要係貨size唔係sample size，真係多謝晒，佢係Mediheal出品嘅peel off type產品，遲啲試用完再同大家分享用後感。

Petite Belle Royal Jelly Midnight Recovery Mask

 

Keep on我嘅"密密敷●清貨大行動"，今次試咗Petite Belle嘅蜂皇漿mask，事不宜遲，即刻同大家share下個用後感先啦~

 

 

蜂皇漿修護面膜小資料

包裝：獨立片裝(1盒10片)

容量：25ML

質地：不織布料

產地：韓國

價錢：HK$85.0

 

 

 

 

 

 

 

 

 

官方資料

◎蘊含豐富的蜂王漿提取物及其他配方，為肌膚供各種營養保護令皮膚健康光澤。其透明質酸和綠茶提取物能使肌滋潤，柔軟，清新。

◎貼面剪裁，細膩質量，高規格的不織布料讓皮膚吸收更完整。

◎萃取了蜂王漿提取物及豐富天然提取物添加至面膜中，溫和無刺激，滋養，保濕維持皮彈性 。

成分

◎蜂王漿提取物，保濕力強，能迅速滋潤皮膚及補充皮膚養份，長期保持皮膚水亮透明並形成保護膜，使肌膚光澤有彈性。

 

◎芍藥根提取物，抑制肌膚過氧化脂質的形成，防止對肌膚造成傷害，有助肌膚細胞循環，具備淨化膚質的功效。

用後感覺
◎拆開包裝袋，面膜上佈滿咗好濕潤嘅精華液，25ml真係份量十足，不織布膜亦都好透薄。

◎上面感覺良好幾濕潤下，cutting做得唔錯好貼面，不過我本身面細就略嫌oversize咗啲啲。

◎敷完20分鐘，塊mask都重好濕，撕走重有精華stay喺面，按摩一陣就吸收晒，感覺滋潤但唔會有黏膩感，一塊$10唔洗有咁嘅效果，都算係幾唔錯用得過嘅。