DIY手作仔 - 卡通迷你花束

早前我嘅摯友結婚，本來想買札花去做觀禮禮物，但係礙於時間同揀唔啱心水嘅原固，就決定自己DIY一札"迷你花束"去，原來比我想像中易做好多，喺到簡單咁同大家分享下，我嘅製作過程啦 ^_^

首先，大家可以上網search下，想要製作咩類型/大小嘅花束，可以先參考人地嘅配搭、襯色，咁樣就可以大概知道/有頭緒，要去準備啲咩材料。

準備好一對結婚公仔、幾束假花束(由於時間關係，去咗Aeon $12店買，若果時間許可，建議上淘寶買，之前我整結婚花球，都係上淘寶買材料，價錢平款色又多又齊)、硬咭紙、皺紙、畫紙，買齊材料就可以開工，先處理一束束嘅小花，將佢拆開做單獨一支支。

將佢拆開一支支有個好處，就係可以方便自己做拼花，因應您嘅喜好配搭唔同顏色/位置，好似我想將對結婚公仔固定喺中間咁，我就買咗一個大嘅波波球花花做中心，方便一陣去固定同承托一對結婚公仔。

處理完啲花就輪到對公仔，用頭先拆花/剪花得嚟嘅殘餘物，加針線嚟固定/支撐喺套禮服上。

公仔都處理好後，就可以同花束合併，先將波波球花頂部位置鬆開，喺中央位置平均咁插入公仔，固定好公仔再填滿番頂部啲花。

嚟到最後一part包裝，先用硬咭紙托底、再加層皺紙、外再用畫紙做cover，然後用絲帶綁個蝴蝶結，咁一札迷你花束就大功告成。

↑↑↑ 卡通迷你花束完成圖 ↑↑↑

 

 

 

 

Creamy Mami Arbutin Whitening Facial Mask

 

相信好多80後嘅您同我都一樣，我地嘅童年回憶除咗Sailor moon之外，又點會少得《我係小忌廉》嗰份呢？嘻嘻，事不宜遲，同大家一齊去回味一下先~

〞星空裡萬物在轉，歷憶萬年，星飛過願望實現，力量像一個活神仙，和同伴起舞轉又轉，繽紛心裡閃，誰贈我星光千百點，色彩幻變，多甜蜜這張可愛歡笑面，像是十全和十美，這小忌廉，倚明月唱出心中理想志願，默默助人從沒怨這小忌廉，心的奉獻，美的奉獻，愛的奉獻。〝   熊果素極緻美白面膜小資料 包裝：鐵盒裝(1盒10片獨立包裝) 美容液容量：23G 產地：韓國 正價價錢：HK$99.9 官方資料 ◎功效 - 熊果素改善肌膚暗啞、泛黃等問題，持續均勻美白膚色。 ◎使用方法 - 於清潔及化妝水後，將面膜輕敷於全臉，約20-30分鐘後即可取下面膜。若臉上仍留有精華液，可以用指腹輕輕按摩幫助肌膚吸收，無須清洗，敷完面膜請重複乳液(霜)等日常保養程序，將滋養成分鎖在肌膚內。 用後感覺 ◎先唔好講佢好唔好用，淨係睇個packing，印有小忌廉嘜頭嘅鐵盒包裝，就真係已經值回票價啦，$90幾蚊唔只用得、重可以儲得添喎！您話點捨得唔帶佢返屋企呀？ ◎唔好以為佢只係賣可愛、sell個公仔嘜頭咁簡單，再睇下佢面膜袋背後說明，連個注意事項資料都詳盡過人，好多大牌都未必有咁貼心，呢個確實係佢地嘅誠意之作，I buy it！ ◎撕開包裝袋，取出23g嘅面膜，啲精華液好足夠，塊mask連埋眼位，cutting唔錯敷上去都好貼面，唔會太厚又唔會話太薄，敷咗30分鐘塊mask都重濕，皮膚係即時明亮咗，美白效果都幾唔錯，以$9.9嘅價錢嚟講，確實係抵用之選之一嚟。

Gift for Me - Crabtree Evelyn English Honey and Peach Blossom Collection

上年11月結婚時，朋友送咗Crabtree呢set滋養修護配方嘅"英式蜂蜜及桃花系列"skin care俾我，當刻咁啱我新開咗另一個brand set蝸牛系列嚟用，到咗夏天又唔想用太heavy嘅product，所以keep到今個秋冬先開嚟用，事不宜遲，同大家介紹下呢個collection先。

 

●English Honey and Peach Blossom   All Purpose Balm 14g   全效保濕軟膏 (HK$115 / 14g)

●全效保濕軟膏蘊含滋潤保濕的乳木果油及蜂蜜，糅合修護肌膚的蜂蠟及桃花萃取物，適合於任何部位的肌膚上使用，為乾燥肌膚提供深層滋潤。

 

 

●English Honey and Peach Blossom Intense Moisturising Cream 50g   滋潤保濕面霜 (HK$260 / 50g)

●蘊含修護肌膚的桃花萃取物、滋潤保濕的蜂蜜及乳木果油，以及保濕的甘油，滋潤保濕面霜能為臉部肌膚保持滋潤。

 

●English Honey and Peach Blossom Glistening Face Serum 30mL   閃亮面部精華霜 (HK$260 / 30mL)

●閃亮面部精華霜蘊含從藍色龍舌蘭提取的酵母萃取物，能迅速為肌膚保濕，配合滋潤保濕的蜂蜜及桃花萃取物，令面部肌膚持久水潤亮澤。建議於滋潤保濕面霜前使用。

 

小Hi用後感

 

3件prodcut先講我無咁鍾意嗰件，就係呢個保濕軟膏，未用前佢係乾身嘅，用手指打圈攞少少，佢就即刻會起到油，搽上手有啲啲笠身，不過都算吸收得快，按幾下變咗層油膜，幫您cover住啲皮膚，其實佢都ok好夠滋潤，純粹係個人唔太鍾意用油嘢，同埋係怕佢hold喺到嗰種油笠笠嘅感覺。

 

跟住就輪到我比較喜歡嘅精華(左)同面霜(右)，呢2款我反而覺得幾surprise、幾鍾意，一打開嗰種蜂蜜桃花味已經啱晒我channel，嗰種sweet味真係香到不得了！
 
精華唧出嚟係比較杰，搽上面比較潤身但唔笠，按摩一下好快就吸收咗，做到有即時保濕嘅效果。之後直接上面霜，面霜又係香噴噴嘅，質地幾creamy、幾soft，上面好容易就可以推開，搽完都係好快就吸收晒，塊面感覺好滋潤同有層膜cover住，但就唔會話有笠或者係黏膩感嗰啲，so far我係幾滿意呢2件product，秋冬用佢又唔太heavy確係幾唔錯嘅選擇，有興趣嘅朋友不妨去Crabtree試下tester。

 

Hurraw Night Treatment Balm

上次推過喺iHerb買嘅E.L.F.唇膏，今次再介紹另一隻同樣喺iHerb買到嘅好物俾大家，佢就係Hurraw出品嘅moon balm啦！

Hurraw嘅潤唇膏出名好用，不過礙於我已經買咗1pack 8支Sierra Bees，所以今次我就無試佢地，反而睇中咗佢支for晚間修護嘅balm，因為我本身都習慣臨瞓前，會厚厚搽一層lip balm滋潤住個嘴仔。

呢支moon balm打開無咩特別味道，質地比起一般日間潤唇膏會heavy一啲，但係滋潤度就非常出色，晚間用就真係一流，第2朝瞓醒個嘴仔都keep住滋潤，加上佢價錢唔貴又親民，只係$29.76就可以帶佢返屋企，真心覺得佢好用，有興趣嘅朋友仔不妨click下面條link睇下 ^_^

↓↓↓ Hurraw Night Treatment Balm ↓↓↓

http://hk.iherb.com/Hurraw-Balm-Night-Treatment-Balm-Blue-Chamomile-Vanilla-15-oz-4-3-g/52943