Gift for me - Bioderma「新年巨獻 - 免費產品體驗」醫學保濕套裝

最近Bioderma又推出活動『BIODERMA新年巨獻: 免費產品體驗』，上次miss咗嘅朋友仔，要把握今次嘅機會啦，詳情可以去Bioderma嘅FB到睇，只需2 steps就可以拎free sample返屋企~

Step 1 : Like Bioderma Facebook fans page
Step 2 : 登記https://goo.gl/yUpdWK

 

↑↑↑ 我換到嘅護膚品體驗裝 ↑↑↑

1. 深層卸妝潔膚水20ml

2. Hydrabio Moisturing Light Cream 5ml

3. Matricium 注活細胞能量昇華水 1ml

 

 

***No.3 嘅"注活細胞能量昇華水"係Bioderma最新推出，標榜全方位激活「細胞生長系統 」計劃，可60天回復20歲細胞活力。

 

Troiareuke GPS Mask

終於抽到時間，試咗呢款3 steps mask啦，佢係一款標榜"專利技術 - Bio-Celtox Mask"嘅第四代面膜嚟。

Troiareuke嘅設計概念，係先將皮膚之門打開，再將一層同皮膚極似嘅物質俾皮膚吸收。

呢款面膜有咩特別之處？其實佢係由一種椰子的有機纖維造成，柔軟同時有韌性，佢嘅黏性特強，可以緊貼皮膚，比一般Hydro Mask嘅貼面度更高。

逆齡面膜小資料
包裝：獨立片裝(1盒5片)
容量：3ml (S1)、25ml(S2)、1.5ml(S3)
質地：有機纖維
產地：韓國
正價價錢：HK$820.0

官方資料
◎採用創新科技 - Bio-Celltox技術，強化生物纖維面膜。
◎以三步曲概念，先深層清潔(遇氧法)打開毛孔，再注入精華(面膜)高效真空保濕，最後收緊毛孔(鎖水霜)營養補水。 

功能
◎解決所有因缺水引起的問題，出油、衰老、缺乏彈性、暗粒等等。
◎深層淨化底層皮膚，為皮膚排毒、平衡色素、袪黃等，令皮膚回復健康及均衡膚色。
◎即時令皮膚回復彈性和無比嫰滑。
◎給皮膚細胞注入能量，令皮膚有能量維持28日的更新週期，間接能袪印，及減少色素形成。

STEP 1 - Celltox GPS O2 Deep Cleanser (O2氧氣深層清潔泡泡)
◎使用天氣活性劑Lauryl Glucoside (月桂基葡糖苷)、Cocamidopropyl Betaine (椰油酰胺丙基甜菜鹼)，有清潔、殺菌、消毒功效，成分安全且不會刺激皮膚。
◎皮膚淨化成分Lithium Magnesium Sodium Silicate (矽酸鈉鎂鋰)，能深層淨化皮膚，去除皮膚底層不必要雜質。
◎Methyl Perfluorobutyl Ether (甲基全氟丁基醚)，天然表面活性劑在皮膚上會產生泡沫，產生的泡沫能夠以自然方式清潔皮膚。
◎搽上面4分鐘後，等泡泡為皮膚注入氧氣、打開毛孔再按摩，可即時排出廢物，令膚色亮白，及有助STEP 2吸收。

STEP 2 - Bio-Celtoc Collregen Mask 
◎Collregen mask (second skin) 的密度和構造是很接近皮膚，不會有帶走水份的問題，更有極高滲入功能，最多可使用2小時，直到面膜上的精華完全被吸收。
◎Coconut Acetobacter Xylinum (椰子木醋桿菌)，從椰子汁及椰子抽取出來的天然成分，使面膜更加緊貼皮膚，有高滲透能力。
◎Sophoridine Extract (槐定鹼提取物)，在抗炎方面非常有效，炎性細胞可發生在低免疫系統皮膚，與血管的問題，破壞皮膚組織。
◎Tea Tree (茶樹)，治療輕傷，令受損皮膚加快愈合。
◎Lavender Oil (薰衣草油)，傷口包括所有類型的燒傷，甚至治療濕疹、皮炎、疥瘡及牛皮癬。
◎一般膚質可敷20-30分鐘，乾性皮膚則敷15-20分鐘，面膜最長可敷2小時120分鐘。

STEP 3 - High Nutrition Cream
◎跟細胞能量霜 (Cell Energy Cream)極相似，為注入了水份的皮膚提供極高價值的營養，而最重要是給予皮膚一層水分屏障，防止水分排出而成分當中不含礦物油，礦物油會阻塞毛孔，能使毛孔及皮膚自由呼吸。
◎Bifida Ferment Extract (二裂酵母發酵產物提取物)，在發酵中含有乳糖，維他命和蛋白質，能幫助皮膚增強免疫力，令細胞發揮到最好，可以幫助維他命吸收得更快。
◎Galactomyces (覆膜酵母菌)，是被發現於釀酒廠，當中含有足夠的維生素、氨基酸、酵素、有機酸，能令皮膚回覆彈力，由於所有材料的特質，皮膚能找回自己的平衡，可讓天然的防腐屠保護。
◎完成STEP 2，直接搽上STEP 3面霜，有助皮膚重生及鎖水。

小Hi用後感
◎面膜上面超貼服，無論眼、鼻、嘴位cutting都好fit，纖維mask敷上去好舒服，由於包裝袋內剩低好多精華，所以我先敷30分鐘，撕開mask搽上精華，跟住再敷30分鐘，敷1小時個mask都唔覺乾，用完塊面即時滑咗、毛孔細緻咗、膚色明顯均勻、亮白有光澤、連細紋、虎紋位都撫平咗。

◎呢個逆齡面膜價錢相對貴，平均價要成$164一塊，我都考慮咗一段時間先買，不過見朋友喺美容院加錢(HK$200)試用過，之後極力推介俾我話超正，所以最後我都買咗嚟試下，好彩佢質素同出嚟效果係very good，總算叫做貴得有道理啦！

Gift for me - Biotherm + Clinique

最近喺Facebook見到兩大品牌"Biotherm" + "Clinique"都分別做緊登記攞試用產品，咁啱呢兩個brand喺德福商場都有shop，所以我都登記咗攞sample嚟試，有興趣嘅朋友仔都不妨去登記。

↓↓↓ Biotherm's sample ↓↓↓

(1). Aquasource 溫泉水潤保濕凝膠

(2). Life Plankton Essence 水源再生活膚原液

 

由即日起至2月14日，click入 http://tryme.biotherm.com.hk/sampling?source=facebook 登記，免費索取奇蹟體驗套裝，同時預約試做BIOTHERM獨家研發嘅FACE YOGA，一分鐘令面部重生！

↓↓↓ Clinique's 3-step sample ↓↓↓

(1). 洗面液

(2). 溫和潔膚水

(3). 升級特效潤膚露

 

由即日起至1月24日，立即Click入 http://mailer01.net/1/QBYwT 免費索取3-Step護膚程序體驗裝！

 

 

 

Apieu x Doraemon

Apieu嘅彩妝品唔洗多介紹，相信大家都有聽過、知佢地有幾好用，今次想同大家share嘅係，佢地同Doraemon crossover系列，真係單睇個賣相就已經無得輸，唔知各位叮噹/多啦A夢迷又有無入貨呢？

呢個Christmas Doraemon系列，分別出咗3款product，分別有shea butter hand cream、pastel blusher同埋air fit cushion，我就買咗佢地嘅hand cream同cushion，睇個樣係咪好cute呢？

hand cream我買咗3隻味，分別係lily、Rose同lavender，價錢係$58 1支有35ml，不過我就未開嚟用，未知香唔香、好唔好用？

反而個air fit cushion就等唔切，要第一時間率先開嚟試用，呢個special set $168連1個cushion refill，我買嘅係#23自然色系，比較白嘅朋友仔可以揀#21亮白色系。

官方資料
◎含蘆薈成份，可舒緩肌膚，為肌膚提供補濕作用。
◎高效防曬SPF50+/PA+++能抵禦紫外線侵襲。
◎30%天然礦物質成份及透明感妝容ALL LIGHY POWDER成份，令妝容更貼服持久。

小Hi用後感
◎首先有個小tips俾大家，用佢附送嘅puff嚟取power要小心，唔好太大力按壓免得攞得份量太多，份量太多拍上面時會好難control、同埋出嚟效果就唔夠透薄自然。

◎相信睇相，大家都見到cushion質地水潤唔杰身，我朝早上妝到lunch都keep到無溶妝，又唔會話焗身、無黏膩感、同唔覺乾，不過我自己習慣咗lunch後，會用保濕噴霧噴面，跟手用tissue輕力印面，一來可以幫肌膚補一補濕、二來可以去除面上油份/灰塵/污物，所以之後我會on top補一次cushion上面。

◎總括嚟講，我buy佢夠水潤之餘，重有SPF 50+/PA+++防曬，真係啱晒我呢啲皮膚偏乾、又注重防曬嘅人，所以無論包裝、價錢同質地都好令我滿意！

Mediheal Mask Dress - Violet / Blue / Red

較早前買咗韓國品牌"Mediheal"出產嘅Dress Code系列其中3款mask，買完返嚟擺埋又唔記得咗用，最近同朋友傾開Mediheal呢個牌子，先記得番起佢地咋，即刻返去摷番嚟試，呢個星期已經試晒佢3款，可以同大家share下個用後感。

↓↓↓我買咗嘅3款舞會面膜分別係↓↓↓

 

 

(1). 紫色 - Dress Code Violet
功能：深層滋潤，恢復肌膚彈力
成分：透明質酸、水解膠原蛋白、泛醇、海藻糖、阿薩依漿果提取物、石榴提取物、桑樹提取物

(2). 藍色 - Dress Code Blue
功能：深層保濕，滋養缺水肌膚
成分：透明質酸、海藻糖、甜菜鹼、竹子提取物、百合白鱗莖提取物、猴面包樹葉提取物、仙人掌提取物、鼠尾草葉提取物、薰衣草提取物、迷疊香提取物、洋甘菊花提取物

(3). 紅色 - Dress Code Red
功能：提亮膚色，恢復肌膚彈力
成分：透明質酸、海藻糖、甜菜鹼、復合水果(無花果、銀杏、石榴、桑果)提取物
 

小Hi用後感
◎總括3款mask嚟講，淨係睇個packing已經無得輸，面膜上嘅"面具圖案"印得非常細緻，而面膜嘅精華量都好夠，精華液唔會話太稀、又唔會話太杰身，最怕啲mask水到一路敷一路滴，呢款mask就完全無呢個問題，敷完20分鐘3款出嚟都好保濕，紫色滋潤得嚟唔會笠身，紅色做到即時明亮膚色效果，敷完藍色肌膚彈性真係提升咗。
   
◎Mediheal出名多人推介，用過之後都真心覺得佢地嘅mask質素確係very good，試用過佢幾條唔同嘅line、唔同function嘅mask，出嚟效果都好令人滿意，唯一係佢嘅價錢唔太親民，不過我自己就覺得同其他品牌、價錢相約嘅mask去比較，佢嘅性價就比較高同值一啲，所以貴少少都覺係值回票價嘅，有興趣嘅朋友仔都不妨買塊嚟玩下！

Hanyul Rice Essential Skin Emulsion

 10月份嘅時候，同大家介紹過我嘅至愛"韓律 - 大米軟膚精華爽膚水"，真係一用就愛上咗佢，雖然價錢唔平要$3xx，但都一路keep住用佢，12月份入手埋同系列嘅乳液，試用咗一星期效果同樣出眾，呢個品牌絕對可以話係"物有所值"嘅，有興趣、又有budget嘅朋友不妨買嚟試下。

  

大米軟膚精華保濕乳液資料

包裝：揼裝

容量：125ml

質地：液狀

產地：韓國

價錢：HK$380.0

 

 

 

官方資料

◎由韓國驪州優質大米發酵提取物提煉成的韓律紅麴發酵精華，有效改善乾燥無澤既肌膚，給乾燥的皮膚深層補充水分，使皮膚長久保持濕潤狀態，同時還能起到美白和改善皺紋的功效強力保濕效果，改善乾燥肌膚，除皺/美白雙重機能性恢復肌膚彈力。

 

 

 

 

 

 

用後感覺

◎個人幾鍾意佢揼裝設計，乳液可按自己份量揼出，唔單只方便使用、亦都感覺衛生啲。

 

◎cream狀乳液唔會太杰生，搽上面好快就可以吸收咗，滋潤得嚟又唔會有黏膩感，一般我自己用2揼份量就量，偶然覺得皮膚乾先會再加半揼份量，佢保濕效果唔錯，夜晚搽咗佢瞓覺，第2朝起身都keep住滋潤唔覺乾。


 

 

 

Online Shopping - Manyo Factory

上星期四網購咗2件，由Manyo Factory出品嘅product，因為元旦假期嘅關係，今朝先喺office收到貨。

其實一路都心郁郁，想買MF支"再生精華液"嚟試下，但係見屋企有幾支精華都未開，不過今次撞正做promo半價、重要係增量版咁鬼抵，於是就的起心肝去落order啦，訂咗2次都out of stock，重以為同佢無緣添，點知又再度加推喎，第3次終於成功俾我訂到，另外見佢支"梳打洗面膏"又係做緊discount，就順便帶埋佢返屋企lu，等我遲啲開嚟試用完，再大家share下用後感，睇下係咪真係啲人推得咁勁先 ^_^

(1). Manyo Factory Bifida Ferment Complex 再生精華液(增量聖誕特別版) 80ml HK$120.0 (OP$240.0)

(2). Manyo Factory Deep Pore Cleansing Soda Foam 天然梳打泡沫潔面乳 150ml HK$80.0 (OP$135.0)

Bicelle Hydra B5 Cream Mask

早前試用Bicelle嘅皇牌產品"B5 Gel"確實超好用，保濕、鎖水效果真係無得頂，我keep住日日朝早用佢，30ml都夠我用個半月有多，而家已經去到樽底就用晒lu~

最近見天氣轉涼，皮膚水份流失得好快，即刻諗起罌B5 cream mask，梗係嗱嗱聲摷番佢出嚟用，一用之下效果出奇地好喎，所以要喺到同大家share下 ^_^

全效維係命B5補濕面膜資料
包裝：罌裝
容量：100g
質地：cream狀
產地：美國
價錢：HK$550.0

官方資料
◎成分 - 透明質酸、維他命B5、甘油、蜂蠟、維他命E

◎功效 - 深層補濕鎖水，肌膚回復水盈飽滿、強效修護，減少幼紋及乾紋、高效抗氧，抵抗游離基、滋潤乾燥皮膚、改善暗啞

◎使用說明 - 適合任何皮膚、每星期使用2至3次，每次敷10至30分鐘，再用清水洗淨或用化妝棉抹淨

用後感覺
◎打開罌mask真係好似平時搽嗰啲cream咁，哈哈，唔留神睇清楚都唔知係mask嚟，要小心喔！cream mask質地好soft，建議大家用支棒棒嚟攞，一嚟份量可以控制得好啲，二嚟keep得罌嘢衛生啲嘛！

◎上面感覺好舒服，唔會好杰身、又唔會邊敷邊漏，搽咗上去可以放心做嘢都唔怕，第一次因為時間關係，我敷咗10分鐘就過水，抹乾塊面摸落好滑溜，皮膚覺得飲飽咗水咁，即時做到有保濕效果。第二次我就敷夠30分鐘先過水，同樣係摸落有滑溜、保濕嘅效果，之外睇到細紋、乾紋明顯撫平咗，滋潤感last到第2日重keep住鎖水。

◎暫時用咗2次效果我都好滿意，無時間用10分鐘嚟急救肌膚確係唔錯，有時間敷耐少少出嚟效果更加perfect，總括用咗Bicelle兩樣product，都覺得佢地嘅保濕做得好唔錯，佢地嘅價錢雖然貴少少，但都可以話係valuable嘅，有budget嘅朋友仔都不妨買嚟試下。