早幾日去阿信屋window shopping，見佢返咗一大堆"Dr. Althea水光針面膜"，堆到成座山咁，標正價$120/盒，見到個價嗰刻好心動，呢排成日聽見啲人話佢點勁、點work，一路都心思思想買嚟試，但係我屋企啲mask，保守估計都有成3xx塊存貨未用，加上網購一盒都要成$150-$200不等，但係今次我叻女喎，$120我都忍住遲遲唔出手，因為以我經驗所得，阿信屋成日都做折，我又唔係急住敷，何不等做折先入貨呢？ 事隔唔夠一星期，就收到風759喺9月3號做一日7折(正價、街坊價)，哈哈，計一計7折後$84/盒咋，今次重唔係我出手嘅好時機？
出發前一心諗住除咗呢盒"$120水光針面膜"我重想帶埋同牌子另一款"$115晶鑽煥膚套裝"返去嘅，但係我去嗰間無得買囉，所以我只係帶咗5盒水光針返屋企咋 =_="
或者等next time做折，再睇下我地有無緣份，可以帶佢返歸啦，因為嗰set都好吸引人架，係1盒8 pack嘅peeling排毒面膜，聲稱30秒就可以令您塊面變得滑嘟嘟，真係聽到人心郁郁喎~
好啦，簡單講下我地嘅主角先，其實一直我都有keep住留意佢嘅資料，網絡上好多唔同channel都有介紹佢，不過好奇怪，我爬咗好多文(起碼十幾二十篇)、甚至係賣緊佢地嘅網店都好，對於塊mask嘅用法都有唔同嘅講法，喺到同大家分享下網上普遍嘅幾種說法：
(1). 三盒為一個療程，做完一個療程，等於完成一次水光針效果。
(2). 四盒為一個療程，做完一個療程，等於完成一次水光針效果。
(3). 三塊為一個療程，做完一個療程，等於完成一次水光針效果。
(4). 三塊為一個療程，連續敷三晚，做完一個療程，等於完成一次水光針效果。
(5). 三塊為一個療程，連續敷三晚，之後休息2-3日，再連續敷三晚，做完一個療程，等於完成一次水光針效果。
大致上嘅說法都係話要完成一個療程，而我就揀咗(5). 以連續敷、休息、再連續敷呢個方法，去測試一下水光針面膜嘅效果，等我text完一個treatment，再同大家share我嘅用後感啦，話時話，真係超期待出嚟個效果囉！
