Beauty People Orginal EMU Cleansing Foam

Beauty People嘅產品出名"平靚正"嘅，除咗eye shadow/liner、眼唇卸妝液、佢嘅南瓜peeling gel都係我嘅至愛，最近重試埋佢支EMU洗面膏，用完感覺係非常良好，所以要同大家分享一下先得~

專業潔面泡資料
包裝：支裝
容量：200g
質地：膏狀
產地：韓國
價錢：HK$104.0

官方資料
◎含有植物精華及Emu Oil，Emu Oil 來自澳洲的鴯鶓鳥，牠的油脂是澳洲原住民的祖傳秘方，也是澳洲高經濟價值的特產，醫學研究及臨床實驗顯示鴯鶓油具有滋潤和保護皮膚功效，能夠輕輕地從你的臉上，去除化妝殘留物充分同時清潔，並保持皮膚的明亮的皮膚。

用後感覺
◎BP嘅包裝係唔花巧、好簡約嘅，唧出嚟同一般膏狀洗面膏無咩分別，加水起泡啲泡係好幼細、好濃密，打圈按摩面部感覺好soft、啲泡沬好細滑，洗完過水好乾淨、同時膚色明亮咗，塊面摸落重好滑、一啲蹦緊嘅感覺都無，真心覺得好用，值得推介俾大家。

BabyNews媽媽會講座 - 母乳餵哺須知+保護BB疫苗知多少

尋晚去咗"Baby親子雜誌"同"香港健康網絡"主辦嘅講座

 

官方資料

日期：2015年12月29日(星期二)

時間：下午7時至8時30分

地點：中央圖書館地下演講廳(香港銅鑼灣高士威道66號)

對象：孕婦(可與一名親友出席，額滿即止)

主講：資深註冊護士及兒科專科醫生

講座內容：

(1). 母乳餵哺須知

母乳的好處、母乳B營養須知、正確授乳姿勢及技巧、外出上班餵哺安排、注意事項及竅門

(2). 保護BB疫苗知多少

為何要接種疫苗疫苗可預防那些嬰兒常見疾病(如輪狀病毒)？最新嬰兒免疫接種資訊

 

入場時送嘅Mides口水肩

 

對於講座內容我覺得好實用，學到嬰兒疾病嘅處理方法，加上講者徐醫生講得好詳細、好清楚，講座時間控制得幾唔錯，有足夠時間俾大家發問問題。

 

不過有一點我就唔係咁滿意，登記時話出席之孕婦可獲得：(1). Mustela嬰兒護理套裝、(2). Mustela嬰兒珊瑚被、(3).Freeens貝兒尿片細碼試用裝，但係出席咗就只係得1條口水肩，禮品唔同咗都算，大會竟然無交代，到查詢嘅時候先話數量有限，重要話唔記得咗講"先到先得"喎，聽到個刻真係好反感，單張寫明"出席之孕婦可獲"而唔係先到先得，而家一句無晒禮物就算，連一句唔好意思都無囉，咁樣即係變相呃人啦？當收到佢地SMS通知出席時，重標明"記住自備購物袋"，真係覺得佢地解釋好牽強、好唔合理、好不負責任囉！

 

 

 

 

Faith In Face Flash Whitening Mask

之前同大家講過Faith in Face嘅深層保濕面膜，最近試埋佢另一款水凝膠嘅美白面膜，所以又再出post同大家share下呢次嘅用後感~


美白面膜資料
包裝：獨立片裝(1盒3片)
美容液容量：25g
質地：凝膠狀
產地：韓國
價錢：HK$85.0

官方資料
◎面膜採用低刺激水凝膠質
◎成分含PCA鈉、透明質酸、山茶花油
◎PCA鈉成分，有效鎖住空氣中水分，達致持久保濕

用後感覺
◎上次講咗水凝膠mask有幾好，今次就唔再重覆多提，直接講下敷完出嚟嘅效果，一樣敷完30分鐘撕走，gel mask都重濕潤唔乾，皮膚飽水之於亦白淨咗，明亮嘅效果都last到2日，但鎖水就唔夠深層保濕嗰隻咁好，總括嚟講，Faith in Face兩款Hydrogel mask我都好滿意，雖然價錢就唔算好親民，但用完我都會keep住回購。

Gift for me - Bioderma「醫學保濕之選」護膚套裝

喺9月份嘅時候，同大家介紹過Bioderma喺facebook嘅free sample活動，事隔2個月佢地又喺facebook推出咗新活動，大家只要Like讚好Bioderm嘅facebook專頁，再去呢個網址 https://goo.gl/0TC3MF 按立即進行『肌膚濕度小測試』，完成測試後揀選好換領分店，就可以攜同email去換領護膚品體驗裝1份，體驗裝會因應您測試嘅結果，由Bioderm揀選適合您嘅護膚品俾您，跟住您重可以參加『贏大獎』遊戲，有機會贏得『歐洲雙人來回機票』大獎，有興趣嘅朋友仔快啲去登記，好輕易就可以攞份free gift返嚟架啦！

 

↑↑↑ 我換到嘅護膚品體驗裝 ↑↑↑

1. 深層卸妝潔膚水20ml

2. Photoderm Max SPF 100 防曬5ml

3. Hydrabio Moisturing Light Cream 5ml

 

 

我個人幾鍾意Bioderma呢個品牌，唔只佢支皇牌深層潔膚水好用，我最buy嘅係佢地嘅服務質素，我通常都係去德福嗰間shop，啲sales姐姐真係超級friendly，就算您唔幫襯只係去攞sample，佢都好nice、好詳細咁解釋您聽啲product點用，加上佢地唔會捉住您sell您買嘢，令人好relax、可以好enjoy shop嘅過程 ^_^

 

 

 

 

Gift for me - 新Monday薯蛋頭限量聖誕禮品

早前喺Facebook參加咗由"新Monday"攪嘅抽獎遊戲，估唔到抽中我，真係超開心囉！因為我老公係薯蛋頭嘅super fans嚟，同埋佢經常性出差(一個月至少一次)，所以希望抽到"插頭轉換器"等佢出差用。

 

26號boxing day同老公去咗MCP領獎，獎品包括：

1. 薯蛋頭旅行插頭轉換器

2. 四圍貢薯蛋頭八達通

 

 

去到"禮品部"換獎品時，見到張告示貼住個"換罄"牌，所有薯蛋頭嘅限量聖誕精品已經俾人換晒，都真係咪話薯蛋頭唔多fans囉，原來要消費$1,200先可以換到個"插頭轉換器"，若果要換"八達通"就要消費$1,500至得，咁樣計落變相我係中咗份$2,700嘅大禮喎！今次都覺得自己好lucky、好叻女，最後梗係要同新Monday講聲多謝晒啦 ^_^

 

 

 

SPC馬油胎盤素保濕面膜

相信大家對SPC出品呢隻"馬油"面膜唔會陌生，好多去日本旅行嘅朋友，更加會狂掃返嚟做手信大派街坊，之前朋友就俾咗2塊我試，終於有機會見識下佢嘅"威力"啦，事不宜遲，同大家分享下我嘅用後感~

馬油美白保濕面膜資料
包裝：獨立片裝(1包5片)
美容液容量：22ML
質地：天然棉
產地：日本
價錢：HK$75.0











官方資料
◎主要成分提取自日本本國北海道純種馬油，面膜採用純種競賽馬的胎盤中提取物，不僅提高皮膚的保濕力，也讓皮膚再生。

◎成份不僅有馬油、胎盤素精華、水溶性膠原蛋白、加水分解薏仁種子，甘油、玻尿酸等， 面膜紙採用日本國內100%純天然棉，淡淡的櫻花香。







 用後感覺
◎先講個包裝，櫻花packing賣相係唔錯，好靚好吸引到我嘅注意，打開有好濕潤嘅精華液，櫻花味就唔多覺有，mask設計連埋eye pad位，直到呢個moment我都ok滿意，點知一拎塊mask出嚟就即刻扣晒分，啲精華超水、水到不停喺到滴緊水 =_="

◎面膜紙so call叫棉，但係佢嘅貼服能力極差，左按右按都唔係好貼面，好唔容易，終於可以成功hold塊mask喺面，點知邊敷啲精華水又邊喺到滴，我要keep住搵嘢去抹啲mask邊，本身佢建議敷10-15分鐘，敷到10分鐘嘅時候佢重好濕，但我真係頂唔順要撕走佢啦，take off咗個mask皮膚狀態初時係好濕潤，當按摩吸收完啲精華水之後就feel到有啲乾，鎖水能力比較差咗啲，要on top搽番face cream先得。

◎未用之前聽好多人推介，唔知係咪對佢期望過高，試過之後覺得只係一般，雖然無我擔心話怕馬油用完會好黏笠，但係佢嘅保濕同滋潤效果真係未如理想，我個人用完就唔係太鍾意，所以我唔會再回購佢嚟用。