之前同大家分享過Kose CT嘅美白面膜，今次就輪到同系列Clear Turn添加咗甘油、透明質酸、及維生素原B5成分嘅保濕面膜。
順帶一提佢地嘅膜紙"棉籽絨"，因為大家可能都對佢有啲陌生，其實佢係棉花種子當中最幼細嘅部份，相對一般棉質更為柔軟，加上佢嘅極細孅維，會比一般面膜紙更加能夠鎖緊美容精華，同時貼面剪裁設計，擁有特強嘅吸附性，可以達致強效滲透，令肌膚能於短時間內吸收更多的美肌精華。
透明質酸保濕面膜資料
包裝：獨立片裝(1盒5片)
美容液容量：22ML
質地：棉籽絨
產地：日本
正價價錢：HK$59.0
官方資料
◎使用厚實的Bemliese® (銅氨纖維不織布)膚觸溫和柔軟、具豐潤密實感的面膜，宛如被肌膚吸附般服貼，舒適地緊密貼合，亦可同時保養眼周。
◎添加保濕因子(絲胺酸‧PCA-Na(保濕因子)‧乳酸鈉)面膜密著度極佳，能使具有高潤澤效果的濃潤美容液深層浸透至肌膚角質層，能真實感受肌膚滋潤感滿溢。
◎使用美作溫泉水(保濕)調理肌膚宛如剛泡完澡般膨潤，能真實感受到肌膚上粧時粧感更加服貼。
◎對肌膚溫和的配方，弱酸性‧無香料‧無色素‧無礦物油‧無酒精(乙醇)。
用後感覺
◎拆開包裝袋，同維他命C嗰款mask一樣，有22ml嘅濃潤精華、連埋眼位設計，又係方便您一次過做埋eye mask。
◎上面後都係個cutting問題，mask oversize略嫌大咗啲，其他感覺都好良好，敷完10分鐘撕走，重有精華液hold喺面，按摩幾下好快就吸收晒，塊面即時做到彈滑飽水，最like佢唔只保濕一流，連鎖水效果都做得very good，第2朝起身都keep到水潤。
◎綜合"美白"同"保濕"兩款面膜嘅效果，我都可以話係超級滿意+大愛，真係估唔到咁親民嘅價錢，效果竟然可以做到咁超水準，用完之後一定會keep住回購，同埋都想試埋佢另外嗰3款mask！
最近不論係睇電視、報紙、雜誌，都經常會見到由亞Sa做代言Kose CT嘅面膜廣告，面膜更加標榜喺日本9年銷量No. 1，而Clear Turn系列有5款針對性功效mask俾您揀，我自己就買咗2盒嚟試，分別係保濕嘅粉盒、同美白嘅黃盒。
維他命C美白面膜資料
包裝：獨立片裝(1盒5片)
美容液容量：22ML
質地：棉籽絨
產地：日本
正價價錢：HK$59.0
官方資料
◎使用厚實的Bemliese® (銅氨纖維不織布)膚觸溫和柔軟、具豐潤密實感的面膜，宛如被肌膚吸附般服貼，舒適地緊密貼合，亦可同時保養眼周。
◎添加保濕因子(絲胺酸‧PCA-Na(保濕因子)‧乳酸鈉)面膜密著度極佳，能使具有高潤澤效果的濃潤美容液深層浸透至肌膚角質層，能真實感受肌膚滋潤感滿溢。
◎使用美作溫泉水(保濕)調理肌膚宛如剛泡完澡般膨潤，能真實感受到肌膚上粧時粧感更加服貼。
◎對肌膚溫和的配方，弱酸性‧無香料‧無色素‧無礦物油‧無酒精(乙醇)。
用後感覺
◎拆開包裝袋，濃潤嘅22ml精華液好足夠，面膜係連埋眼位設計，可以一次過做埋eye mask。
◎棉籽絨質地無咩彈性，但上面都好貼服、好舒適，唔會話厚身同焗身，同埋啲精華液唔會話一路敷一路滴，唯一美中不足係mask嘅size略嫌大咗啲，敷上去oversize咗會整濕啲髮邊。
◎敷完10分鐘效果唔錯，膚色即時明亮同水潤咗，輕輕按摩幾下啲精華已經吸收晒，塊面好似飲飽水重有少少彈滑，亮白效果都唔錯keep到2日，overall個用後感嚟講，佢可以用"平靚正"嚟形容，真心覺得值得推介俾大家。
而家好多機構都有舉辦媽媽講座，最近都有啲朋友仔嚟問我呢方面嘅咨詢，原來大家對於呢啲講座都唔係話太清楚，所以想由今次起詳細啲同大家分享下，希望幫到啲新手爸媽了解多啲先報名，盡量可以揀到適合自己需要嘅講座參加。事不宜遲，即刻同大家share下，尋晚我同老公參加咗Ubaby悅寶貝+Sophie La Girafe聯合舉辦嘅"初生嬰兒護理知多D"講座先 ^_^
官方資料
日期：2015年12月9日
時間：下午7時至9時
課程人數：250
講者：星級陪月導師劉慧嫦小姐
對象：準父母及新手爸媽
地點：尖沙咀科學館演講廳(科學館道二號)
內容：嬰兒沐浴小貼士、嬰兒掃風技巧、嬰兒皮膚護理
簡介：初生寶寶的日常護理看似輕易，實質內裡大有學問，因此很多新手父母在照顧小寶寶時都會顯得手忙腳亂，不知從何入手。星級陪月導師將會傳授各種正確的育兒技巧和護理須知，助新手爸媽湊B變得得心應手。
講座時間7點開始(大會建議早15分鐘到達登記入場)，我搭地鐵尖沙咀P2出口行過去，去到嘅時候都差唔多7點，先喺演講廳門外排隊登記，條人龍都唔短不過好快就輪到，排到嘅時候只需提供手提號碼做登記，職員就會派發書仔、問卷、入會申請表同一張抽獎號碼紙俾您，另外場內重有"美讚臣A+"WeChat註冊會員單張，成功綁定微信就會送您膠兜型口水肩一個。
由於演講廳唔俾食嘢、講座又去到9點鐘嘅關係，好多新手爸爸媽咪都會係場內先食嘢，最攪笑係成場見得最多就係McDonald，個個都拎住個包喺到係咁食，我同老公都係食麥記(我食魚柳包走醬+4件脆香雞翼，老公就試新嘢食北海道三文魚堡套餐)，食食下工作人員宣佈5分鐘後講座會開始，我同老公食完大概7點半左右先入場。
入到場內係自由坐位，我地入去嘅時候Sophie La Girafe嘅代表已經介紹緊佢地嘅"天然有機"bb產品，介紹完一輪產品之後，就由陪月導師劉慧嫦小姐教bb沖涼技巧、洗臍帶、掃風同皮膚護理，由於我地坐喺山頂位置，離個講台其實又高又遠，基本上都睇唔到啲咩技巧，純粹係聽佢講同睇個screen啲文字，唔知係咪遲咗開始嘅關係，講者時間好似有啲趕住趕住，好快講完就輪到最後抽獎環節，會分別抽出3位得獎者，可以得到由Sophie La Girafe送出嘅bb產品一支，抽完獎個講座就正式結束可以走人。
完場時喺場外交番問卷同入會申請表，就會送一袋仔小禮物包，喺Sophie La Girafe嘅試用產品，另外Sophie La Girafe亦都有喺場外set counter賣product，即場購買會有半價優惠俾大家。
總括成個講座，坐位、環境都算係幾舒適，係平日放工時間比較趕咗啲，講座時間要成2個鐘，加上中間無break一定要食咗嘢先好，同埋講者嘅距離太遠，又無screen shot可以睇到，實用性就相對比較低咗啲啦！
***溫馨提示
Ubaby每月都有唔少講座舉行，有興趣嘅朋友仔可以click去網站睇下http://www.ubabygroup.com/?section=NewsEvents
9月出post提過之前去韓國旅行時，喺Shara Shara買咗佢地嘅Assemble Dresser，嗰時分享咗佢地嘅Make-up Synergy Sun Cream、Vital Beam Cream同埋Snake Tox Filler Cream，最近樽"綜合防曬霜"用完，我就換咗另一樽"鮮亮粉底霜"上去，所以就想同大家分享下個foundation好唔好用。
鮮亮粉底霜資料
包裝：瓶裝
容量：30ml
質地：cream狀
產地：韓國
價錢：HK$307.0
官方資料
◎含天然植物萃取及多種滋潤保濕成份(紅葡萄酒提取物、澳洲堅果籽油、膠原蛋白、玻尿酸)，能有效覆蓋肌膚瑕疵，長時間保持肌膚滋潤細嫩，打造光滑的肌膚紋理。
用後感覺
◎先講個賣相，藍色仙子造型，真係無得輸啦，所以我都無咩點考慮，就帶鬼咗佢返屋企lu ^_^
◎foundation唧出嚟都睇到係比較水潤，質地都好薄好容易推開，上面coverage都唔錯，搽一層已經均勻到膚色，重做到有明亮膚色嘅效果，黑眼圈位再on top搽多一層，就完全可以cover埋，搽完好平滑眼位都唔會有乾紋。
◎keep住用咗一星期都幾滿意，hold咗一日都無咩甩妝，唔乾又無焗身嘅感覺、水潤得嚟又無乜出油，都幾啱而家秋冬天氣用，平時返工懶我keep一日唔會再補，若果放工有飯局先會on top補層cushion，最主意都係想遮番個眼圈位(我嘅黑眼圈較深)。
◎總括嚟講，無論個包裝、design同實用性，我都覺得幾worth，值得推介俾大家，有興趣嘅朋友不妨買嚟試下，不過喺香港專門店買，佢嘅價錢就唔算話好親民，有機會去韓國旅行買就最化算啦！
