一直我都係"Lion休足時間"嘅super fans，腳貼對於我嚟講雖然唔似mask用得咁勤力，但當我feel到對腳有酸軟感覺，我就會攞佢出嚟over night貼番兩嘢，第二朝起身對腳就即刻鬆晒, 爽喔~
有日行街見到另一牌子"Rakool休足休眠"嘅腳貼，就諗起我啲腳貼都就嚟用晒，都係時候要補補貨啦，見佢1盒3袋、每袋有8片，24貼都係$54又幾抵用咁喎，所以就帶咗佢返屋企lu~
舒緩疲勞清涼腳貼小資料
包裝：1盒24片
質地：啫哩狀
產地：日本
正價價錢：HK$54.0
官方資料
◎添加葡萄葉、紫蘇葉等成分，具排毒袪濕功能
◎貼於腳底、腳踝、小腿、膝後
◎貼上後涼爽舒適，有效舒緩足部疲勞及蹦緊
撕開透明膜，見到腳貼係啫哩狀，近幾日我都有腳板底痛嘅煩惱，所以我貼嘅位置係腳底，腳貼嘅黏力都唔錯喎，貼住瞓覺第二朝起身都無甩。
我連續貼咗3晚，雖然無完全解決到我腳板底痛嘅問題，但貼上去感覺涼涼地，有即時舒緩嘅感覺，腳貼重有淡淡嘅香味，真係俾到人有放鬆嘅感覺，攞佢嚟舒緩腳部蹦緊確實係一流，至於您話佢有無排毒袪濕功能，我就真係唔知點樣可以見證到呢個效果囉 ^_^
上次試完Dewytree美白mask後，感覺(效果)真係非常良好，所以要keep住試埋剩低嗰7款，睇下係咪款款都好用、同咁啱我心水先 ^_^
密集護理膠原彈力面膜小資料
包裝：獨立片裝
美容液容量：23g
質地：純棉
產地：韓國
正價價錢：HK$9.5
成分
◎水解膠原蛋白230mg、葡萄柚提取物、三文魚籽提取物
官方資料
◎膠原蛋白成分，強化肌膚彈力，持久補水保濕
◎純淨護理敏感肌膚，美白改善膚色
◎輕薄純棉質地，舒敏型面膜
打開塊mask，即時見到佈滿精華液，睇到份量都好足夠、mask好濕潤嘅。
賣點係純棉質地，面膜柔軟舒敏，唔會刺激皮膚。
今次呢塊mask，同上次美白嗰款一樣，純棉厚實但都做到貼面，精華液texture一樣係比較黏身。
敷15-20分鐘就可以除落嚟，第一個感覺係塊面好滋潤，按摩吸收埋啲精華液，再用清水洗去表層剩低嘅精華，用毛巾印乾多餘水份，就會feel到蘋果肌好有彈力，同時亦keep到有水潤效果。
試咗兩款Dewytree面膜，佢官方所講嘅效果都做得唔錯，所以我對佢嘅印象暫時都重係keep住good good嘅，唯一唔係太鍾意佢啲精華太黏身，始終而家天氣重係好濕，hold起面太耐都會覺得笠，遲啲等秋冬季再買嚟試下，睇下個用後感會唔有改善啦~
