Online Shopping - Troiareuke GPS Mask

 

偶然我都會上網買下嘢，月頭就喺網店order咗3set "Troiareuke GPS Mask"，呢日終於收到courier送貨嚟，實在係太興奮啦，要即刻拆開睇下佢嘅真身先~

 

本身佢嘅價錢都唔平，$820.0一盒得5片，為起一塊要成$165.0，我撞啱網店做限時預購，買一(盒)送一(盒)，除番開就$82.0一塊，價錢即刻親民番晒lu，另外同時訂3set / 5set重有extra discount，3set價錢discount咗平均每盒$389.5，5set就再平啲$369.0就有一盒。
 

 

呢款逆齡面膜，特別之處就係佢分3個steps，先係幫您深層清潔(cellregen)、跟住敷mask(celltox)，最後就搽番個鎖水霜(cream)，一塊有齊潔膚、潤膚、同護膚3樣嘢，帶去旅行用就認真一流，可以話係方便又快捷，遲啲等我試用完，再補番個用後感俾大家，睇下佢有幾work、同真係值唔值得買啦！

Elizavecca Green Tea Salt Body Scrub

本身好少用body scrub，直至honeymoon去Bali，實在有太多唔同種類選擇，加上價錢絕對可以用"平靚正"三個字去形容，出於好奇心驅使之下，就買咗一大堆唔同嘅磨砂膏返嚟，自用同做手信都真係一流，自己試下、試下都愛上咗，而家都會keep住定期幫body做磨砂。


***Bali買嘅scrub留待下次先同大家share ^_^

今次想同大家分享嘅係呢排用緊Elizavecca出品嗰支，記得有日行街見到佢嘅packing同俾佢green tea salt吸引，所以買咗返嚟嘅呢支body scrub。











綠茶海鹽身體磨砂膏小資料
包裝：支裝
質地：幼磨砂粒子
容量：300g
產地：韓國
正價價錢：HK$102.9


官方資料
◎含70%天然海鹽、甘油、綠茶萃取精華等，能為肌膚填滿水份、去除肌膚老廢角質、為肌膚補充水份、防止水分流失。

用後感
◎個人對綠茶係情有獨鍾嘅，無論飲茶、食品都好鍾意買綠茶味，that's why見到佢有green tea成分就即刻買咗嚟試。

◎打個蓋唧出磨砂膏，已經有淡淡嘅綠茶香味，I really like it，啲磨砂粒子重好幼細下，搽喺身輕輕力打圈按摩，感覺好soft、啲粒子亦唔會話磨到您痛，磨完過水摸落啲皮膚重好滑、唔會乾同緊，效果真係幾good good。

◎但係講到用得方便，佢就真係麻麻地咗啲，因為佢嘅唧嘴太細問題，第一、二次用嘅時候都重叫ok，唧到好幼條嘅磨砂出嚟，但係之後用就唔係咁work，出盡力唧都唧唔係好到嘢，根本就無辦法用到，所以我唯有用較剪cut開佢，將佢倒落個罌到裝住嚟用，cut開咗至發現佢啲精華係好多，唔怪得知用佢咁潤滑啦！

◎總括嚟講，我係幾滿意呢件product，作為body scrub佢效果唔錯，磨砂粒子夠幼細、又夠滋潤，不過我覺得佢地要認真考慮下，點樣改良個唧嘴問題，個嘴實在係太細，好容易就塞死咗出唔到嘢，下下要cut開嚟用都真係幾麻煩。