放假又撞正759做discount，話晒都叫做破底價做6折，梗係唔好執輸(抱住唔買都睇下嘅心態)走咗轉，睇下有咩筍貨執都好嘛 ^_^
759 Kawailland
(1). ChooNee 水梨保濕面膜25G HK$6.0 (OP$10.0)
(2). ChooNee 燕窩臻顏面膜25G HK$6.0 (OP$10.0)
(3). CP-1 專業蛋白急救護髮針25ML HK$19.7 (OP$32.80)
(4). DHC 天然櫻桃透白爽膚水40ML HK$31.9 (OP$53.2)
(5). Mediheall 高效保濕導入眼膜5對 HK$32.4 (OP$54.0)
(6). Chicaychico 星星爆炸糖面膜12P HK$84.0 (OP$140.0)
↑↑↑阿信屋9月25-26日，買滿正價貨品$200可享6折，買滿$200係折前計，所以都好易攞到呢個優惠，其實759平時都成日做789折，不過講到6折就真係好少做，而家買又真係慳番唔少嘅↑↑↑
Wastons
(1). 我係小忌廉熊果素極緻美白面膜10片 HK$59.9 (OP$99.9)
↑↑↑原先無target到去Wastons，只係咁啱路過又有時間，就入去打個彎睇下(平時我個人喜好鍾意行萬寧多啲)，估唔到一行就俾我執到寶，呢盒鐵盒裝小忌廉mask之前見過，唔特價要$99.9一盒10片，其實之前已經想買，不過屋企實在係有太多存貨，加上佢又無折吸引度大減，諗住等佢做discount時先買啦，所以遺忘咗好一段日子，估唔到好耐唔行一次，一行咁啱就撞正佢咁平，真係再無藉口唔帶佢返屋企啦↑↑↑
個人對"爽健"呢個牌子幾有信心，佢一出"電動去硬皮機"已經有留意，身邊用過嘅朋友又讚不絕口，本來平平地買嚟試下都話無所謂嘅，但基於佢價錢實在係太唔親民(要成$3xx)，對於我呢啲怕按摩嘅人嚟講就唔係好敢試，始終呢啲都係好私人物品，要講求衛生，唔係話唔要可以送俾人，所以最後怕買咗番嚟唔用蹝錢就無買，直至最近睇報紙見到Wastons做promo $259.90就可以帶佢返屋企，呢個價錢我就覺得值得一試啦！
一心去買粉紅色嘅，可惜無晒貨~
粉紅色得舊版(絲絨柔滑)，新版(晶鑽極致)全部係藍色囉 =_="
晶鑽去硬皮機小資料
包裝：膠盒
產地：中國
正價價錢：HK$379.9
用法
◎只要在硬皮上，輕輕轉動電動去硬皮機上的滾輪，死皮便立即消失。
◎每個滾輪可大概使用約12次，建議每12次(約3個月)更換一個新滾輪，方便又衛生。
官方資料
◎配以晶鑽極致去硬皮滾輪(一般去硬皮粒子)
◎在家裡僅3分鐘，即可擁有光滑明亮雙足
◎人體工學軟質手柄
◎附4顆AA電芯，可即時使用
去硬皮滾輪補充裝
◎共有兩款晶鑽極致去硬皮滾輪，適合不同程度硬皮使用：
(1). 一般去硬皮粒子 - 一般程度硬皮適用
(2). 超粗粒去硬皮粒子 - 厚皮/頑固硬皮適用
用後感
◎先讚一下，佢送4粒2A電芯呢個貼心設計，買番嚟打開就用得，真係超級方便，啱晒我呢啲唔係長期有電芯存貨嘅人~
◎扭動中間銀色開關掣，滾輪轉動得都幾快速，聽到轉動嘅聲咁強烈，我都有啲心大心細，驚放落腳唔知會唔會痛呢？初時放落腳踭轆有啲唔係好順暢，轆多幾下就開始用得smooth啲，唔會有卡、住卡住嘅感覺。
◎轆完腳踭表層死皮無晒，睇落去表皮光滑咗、摸上手滑晒，再試下用滾輪轆下腳板底，唔知係咪範圍大啲、同平面嘅關係，滾動起上嚟轆得重流暢、重順得多，用完摸上手對腳底滑一滑，對於我呢啲怕按摩嘅人嚟講，都接受到、感覺重出奇地好呀，所以有興趣幫腳仔去死皮嘅朋友，都不妨買嚟一試，最近喺Mannings同Wastons都經常見到有折，大家可以留意下等佢做特價先買(無記錯特價做緊HK$299.0)。
