踏入秋冬季節，天氣開始轉涼，護膚品都係時候要轉一轉，最近除咗入手Kose Cosmeport出品，Clear Turn系列嘅mask之外，重掃咗2支同系列嘅濃潤美容液，一支係紅色嘅"透明質酸"另一支係藍色嘅"膠原蛋白"，今次就先同大家分享下"透明質酸"嗰支。
透明質酸濃潤美容液資料
包裝：瓶裝
容量：200ML
質地：水狀
產地：日本
價錢：HK$95.0
官方資料
◎添加蝦青素，充分滋潤拉提缺乏透明感及彈性不足的肌膚。
◎具有高潤澤效果的濃潤美容液深層浸透至肌膚角質層，宛如被肌膚吸附般服貼，真實感受肌膚滋潤感滿溢。
◎溫和配方能調理肌膚宛如剛泡完澡般膨潤，能真實感受到肌膚上妝時妝感更加服貼。
◎弱酸性，無香料，無色素，無礦物油，無酒精。
用後感覺
◎聽個名"濃潤"美容液，初時都有啲擔心會唔會好杰身？好彩倒出嚟又唔會話好杰，質地都幾清爽唔黏膩。
◎適逢而家啲天氣較乾，我沖完涼會習慣先用"廣源良"支絲瓜保濕噴霧，以全面打圈方式噴濕，再用棉花抹全面，之後先再會用美容液去加強保濕。
◎美容液上面感覺滋潤但唔黏膩，按摩幾下吸收得好快，會即時feel到水潤同有彈性，用完要on top搽番面霜，我試過用完美容液懶無再搽面霜，但第2朝起身塊面就覺得唔夠滋潤，雖然又未去到話覺得好乾，但就覺得單用唔夠鎖水、保濕。
◎用咗一星期，以佢$95價錢嚟計，效果算係幾唔錯，平平地豪住用都唔會肉痛，我試過倒大量美容液落化妝棉，用佢嚟做重點厚敷，出嚟飽水效果非常好，塊面重即時又彈又滑，唯一缺點係唔夠long lasting，可能夏天用佢可以keep得耐啲都未定。
之前同大家分享過Kose CT嘅美白面膜，今次就輪到同系列Clear Turn添加咗甘油、透明質酸、及維生素原B5成分嘅保濕面膜。
順帶一提佢地嘅膜紙"棉籽絨"，因為大家可能都對佢有啲陌生，其實佢係棉花種子當中最幼細嘅部份，相對一般棉質更為柔軟，加上佢嘅極細孅維，會比一般面膜紙更加能夠鎖緊美容精華，同時貼面剪裁設計，擁有特強嘅吸附性，可以達致強效滲透，令肌膚能於短時間內吸收更多的美肌精華。
透明質酸保濕面膜資料
包裝：獨立片裝(1盒5片)
美容液容量：22ML
質地：棉籽絨
產地：日本
正價價錢：HK$59.0
官方資料
◎使用厚實的Bemliese® (銅氨纖維不織布)膚觸溫和柔軟、具豐潤密實感的面膜，宛如被肌膚吸附般服貼，舒適地緊密貼合，亦可同時保養眼周。
◎添加保濕因子(絲胺酸‧PCA-Na(保濕因子)‧乳酸鈉)面膜密著度極佳，能使具有高潤澤效果的濃潤美容液深層浸透至肌膚角質層，能真實感受肌膚滋潤感滿溢。
◎使用美作溫泉水(保濕)調理肌膚宛如剛泡完澡般膨潤，能真實感受到肌膚上粧時粧感更加服貼。
◎對肌膚溫和的配方，弱酸性‧無香料‧無色素‧無礦物油‧無酒精(乙醇)。
用後感覺
◎拆開包裝袋，同維他命C嗰款mask一樣，有22ml嘅濃潤精華、連埋眼位設計，又係方便您一次過做埋eye mask。
◎上面後都係個cutting問題，mask oversize略嫌大咗啲，其他感覺都好良好，敷完10分鐘撕走，重有精華液hold喺面，按摩幾下好快就吸收晒，塊面即時做到彈滑飽水，最like佢唔只保濕一流，連鎖水效果都做得very good，第2朝起身都keep到水潤。
◎綜合"美白"同"保濕"兩款面膜嘅效果，我都可以話係超級滿意+大愛，真係估唔到咁親民嘅價錢，效果竟然可以做到咁超水準，用完之後一定會keep住回購，同埋都想試埋佢另外嗰3款mask！
