上網見Rosemine嘅香水潤膚露做discount，心思思走去睇下諗住買番支，點知去到就一次過入手咗3款，分別係"爽身粉味"、"果園甜味"同"百合花香味"，佢本身有5款(Garden Rose、Passion Fruit、Petit Baby、Hesperides、Nana's Lily)可以揀，所以梗有一款啱您心水嘅，今次我就同大家share"果園甜味"嗰支用後感先啦！
果園甜味香水潤膚露資料
包裝：揼裝
容量：300ML
質地：cream狀
產地：韓國
價錢：HK$85.0
官方資料
◎香水潤膚露有保濕同鎮靜效果，持久長效令肌膚維持水潤同柔軟，新鮮清新花香氣，除左可以減輕疲憊肌膚壓力之外，肌膚一整天散發住花香氣。
用後感覺
◎睇個packing、花花pattern已經引死我，揼出cream狀香水潤膚露，cream狀唔會太杰身，搽上身可以好易推開，香水味道唔會太濃、太俗，味道唔錯都幾sweet下，潤膚露吸收得幾快，感覺都幾乾爽、搽完唔會有黏膩感，都做到幾滋潤肌膚。
◎唯一係個香氣keep得唔耐，沖完涼搽咗、睇陣電視再上床瞓，個味道就已經無咗last唔到一晚，不過我買嘅時候做特價$38一支，咁嘅價錢有支300ml嘅潤膚露，我就覺得超抵買去邊到搵，支body lotion真係攞嚟粗用都唔會肉痛 ^_^
踏入秋冬季節，天氣開始轉涼，護膚品都係時候要轉一轉，最近除咗入手Kose Cosmeport出品，Clear Turn系列嘅mask之外，重掃咗2支同系列嘅濃潤美容液，一支係紅色嘅"透明質酸"另一支係藍色嘅"膠原蛋白"，今次就先同大家分享下"透明質酸"嗰支。
透明質酸濃潤美容液資料
包裝：瓶裝
容量：200ML
質地：水狀
產地：日本
價錢：HK$95.0
官方資料
◎添加蝦青素，充分滋潤拉提缺乏透明感及彈性不足的肌膚。
◎具有高潤澤效果的濃潤美容液深層浸透至肌膚角質層，宛如被肌膚吸附般服貼，真實感受肌膚滋潤感滿溢。
◎溫和配方能調理肌膚宛如剛泡完澡般膨潤，能真實感受到肌膚上妝時妝感更加服貼。
◎弱酸性，無香料，無色素，無礦物油，無酒精。
用後感覺
◎聽個名"濃潤"美容液，初時都有啲擔心會唔會好杰身？好彩倒出嚟又唔會話好杰，質地都幾清爽唔黏膩。
◎適逢而家啲天氣較乾，我沖完涼會習慣先用"廣源良"支絲瓜保濕噴霧，以全面打圈方式噴濕，再用棉花抹全面，之後先再會用美容液去加強保濕。
◎美容液上面感覺滋潤但唔黏膩，按摩幾下吸收得好快，會即時feel到水潤同有彈性，用完要on top搽番面霜，我試過用完美容液懶無再搽面霜，但第2朝起身塊面就覺得唔夠滋潤，雖然又未去到話覺得好乾，但就覺得單用唔夠鎖水、保濕。
◎用咗一星期，以佢$95價錢嚟計，效果算係幾唔錯，平平地豪住用都唔會肉痛，我試過倒大量美容液落化妝棉，用佢嚟做重點厚敷，出嚟飽水效果非常好，塊面重即時又彈又滑，唯一缺點係唔夠long lasting，可能夏天用佢可以keep得耐啲都未定。
