Gift for Me - e+Jetso

有睇開我blog post嘅朋友仔，都會知我係"忽然一週"嘅die hard fans，自從忽週突然停刊，都買過幾本唔同嘅雜誌，但總係覺得睇佢地唔慣，最後搵到本"新地"就keep住個個星期買嚟睇，直至有次偶然睇報紙，介紹"e+娛樂"嘅誕生，我就重投忽週班底嘅懷抱啦 ^_^

 Pookie tote bag + 16GB USB + 新城入場劵

上期睇e+時見到"e+Jetso"有獎抽，即刻上網諗住去支持下玩下抽獎，其實都無諗過會抽中自己架，點知隔咗一星期收到中獎email，哈哈，重要我係打孖嚟中獎先勁喎，先喺12:16收到抽中2張"新城頒獎禮入場劵"嘅email，再嚟12:54又收到抽中"Pookie系列聖誕馬戲團主題限量精品"嘅email，唔講得笑，當刻真係既開心又興奮囉，雖則唔係話抽中乜野大獎，不過都要多謝晒e+娛樂，等我呢個Christmas又多咗2份禮物！


***特別鳴謝：老公放假幫我去攞獎，分別要去荃灣同官塘攞，真係辛苦晒您啦！

Rosemine Whipping Milk Body Lotion - Garden Rose

上網見Rosemine嘅香水潤膚露做discount，心思思走去睇下諗住買番支，點知去到就一次過入手咗3款，分別係"爽身粉味"、"果園甜味"同"百合花香味"，佢本身有5款(Garden Rose、Passion Fruit、Petit Baby、Hesperides、Nana's Lily)可以揀，所以梗有一款啱您心水嘅，今次我就同大家share"果園甜味"嗰支用後感先啦！

果園甜味香水潤膚露資料
包裝：揼裝
容量：300ML
質地：cream狀
產地：韓國
價錢：HK$85.0







官方資料
◎香水潤膚露有保濕同鎮靜效果，持久長效令肌膚維持水潤同柔軟，新鮮清新花香氣，除左可以減輕疲憊肌膚壓力之外，肌膚一整天散發住花香氣。

用後感覺
◎睇個packing、花花pattern已經引死我，揼出cream狀香水潤膚露，cream狀唔會太杰身，搽上身可以好易推開，香水味道唔會太濃、太俗，味道唔錯都幾sweet下，潤膚露吸收得幾快，感覺都幾乾爽、搽完唔會有黏膩感，都做到幾滋潤肌膚。

◎唯一係個香氣keep得唔耐，沖完涼搽咗、睇陣電視再上床瞓，個味道就已經無咗last唔到一晚，不過我買嘅時候做特價$38一支，咁嘅價錢有支300ml嘅潤膚露，我就覺得超抵買去邊到搵，支body lotion真係攞嚟粗用都唔會肉痛 ^_^