Holika Holika 去角質啫喱

唔知單睇個樣，大家估唔估到呢隻"蛋"係要嚟做咩架呢???


(我俾佢個萌樣吸引，所以先帶咗佢返屋企)

打開隻蛋蛋重有個蛋黃，您睇佢真係幾得意喔 ^_^

睇完outlook循例都要睇埋個內涵先得嘅，唧出嚟嘅啫哩有陣微香、texture唔會好杰身，上面按摩好soft，過水後塊面好乾爽唔會繃緊，I like it !!!

Kose傅明酸美白面膜

Kose嘅面膜一向係我杯茶，試過幾款效果都令我滿意，所以一見到呢隻"傅明酸美白"mask，諗都唔洗諗就帶咗盒返屋企lu~








 



打開面膜22ml精華好濕潤，濕到適中唔會over，我最怕水滴滴嗰啲mask，邊敷邊滴好討厭架嘛！

mask sheet係連埋眼位，照顧埋對眼好貼心，但我個人鍾意邊敷邊做其他嘢，所以眼位通常我都係翻落嚟敷。


敷上面好貼服，敷完10分鐘塊mask都唔會好乾，除落嚟皮膚白淨明亮咗，美白效果有但唔係令您會"嘩"一聲嗰隻，so far嚟講我都滿意嘅 ^_^