SexyLook 4D全效嫰白純棉黑頸顏面膜

之前喺台灣旅行，買咗2款SexyLook新出嘅頸+顏面膜：
黃盒 - 全效保濕純棉黑頸顏面膜
粉盒 - 全效嫰白純棉黑頸顏面膜

今次就先試粉盒嫰白款先，因為早兩日啱啱去完戶外活動，曬足一日， 返嚟嗰晚即刻敷咗個深層保濕mask，第二晚就梗係要嘆番個美白mask啦！

全效嫰白純棉黑頸顏面膜小資料
包裝：獨立片裝
美容液容量：28ml
質地：純棉面膜
產地：台灣
正價價錢：HK$62.90

官方資料(成分)：
玻尿酸鈉、甘草酸二鉀、法國千葉玫瑰花水(千葉薔薇)、蛇毒抗皺血清(三胜肽)、蘆薈萃取、黑曜石萃取


官方資料(使用方式)： 
於清潔化妝水後，將面膜輕敷於全臉10~15分鐘後即可取下面膜，若臉上仍留有精華液，可以用指腹輕輕按摩幫助肌膚吸收，無須清洗。

分享『全效嫰白純棉黑頸顏面膜』用後感：
撕開包裝袋，會見到一塊佈滿精華嘅黑面膜，拎上手塊mask質地唔錯，純棉質地唔會太透薄，打開嘅時候都唔會話扯爛塊mask。


個人覺得佢嘅精華just fit，唔會話太多、多到拎出嚟會滴，敷上面啲精華都hold到喺塊mask到唔會流，而mask嘅貼面度都係做得唔錯嘅。

 

敷完15分鐘，除低塊mask重有少少精華留喺面上，輕輕按摩一陣就會吸收晒，個人覺得敷完效果唔錯，望落皮膚係有亮白咗，最令我滿意嘅係佢同時有做到保濕效果，塊面好飽水唔會覺得乾。


最後，唯一令我失望嘅係，佢賣點『頸+顏』我一心諗住佢可以敷埋條頸，點知敷上去只係可以cover到去下巴位，不過咁嘅價錢(我台灣買時做緊NT 299買一送一，為起HKD 74/2盒有10塊，除起一塊都係HKD 7.4)，有咁嘅效果都真係好唔錯，所以值得推介俾大家試下。