Secret Key Snow White Essence

Secret Key呢個牌子，相信大家都唔會覺得陌生，佢地支皇牌酵母神仙水更加被喻為"平民版SKII神仙水"，我都係佢地嘅忠實粉絲，除咗支皇牌神仙水，我都用過佢地支金箔精華化妝水，同樣地我對佢兩支嘅評價都係好好，最近我就試咗佢地另一條product line，Snow White系列裡面嘅美白精華，想睇下佢嘅美白效果又係點呢？

雪白柔嫩精華小資料
包裝：揼裝
容量：30ML
質地：啫喱狀
產地：韓國
價錢：HK$108.0

官方資料
◎舒緩鎮靜，賦予肌膚緊實的彈力感。

◎谷胱甘肽和珍珠粉提取物成分，讓肌膚煥發華麗光彩。

◎濃縮的維他命膠囊的精油成分，呈現健康美麗肌膚，持久光彩照人。

◎無添加 對羥基苯甲酸酯、礦物油、二苯甲酮、苯氧基乙醇、色素。

用後感覺
◎我個人幾鍾意揼裝嘅設計，用幾多就揼幾多，可以易啲控制用嘅份量，同埋質量保存得好啲、感覺又乾淨衛生啲。

◎揼兩下份量就夠搽晒全面，精華嘅質地係gel狀，幾易推開同幾快吸收，搽完感覺有層薄膜cover住，但又唔會話笠痴痴。

◎一般美白精華我都係朝早先搽，晚刻我就著重搽保濕精華多啲，so far我用咗佢一個月，但效果唔覺得好顯著，皮膚亦無話明亮、白淨咗，所以對佢都有少少失望，睇下遲啲用晒會唔會有咩改善，anyway，用完我都應該唔會再回購佢lu~