包裝：罌裝
容量：55ml
質地：Cream狀
產地：韓國
正價價錢：HK$93.50
包裝同樽身無咩特別design，簡單設計，係一個好普通嘅扭蓋膠罌。
官方資料：
含80%綠茶嫰葉滋潤成份，為肌膚注入充足水份，令肌膚水凝緊緻，滋養效果持久；綠茶嫰葉成份更有效平衡酸鹼度，使肌膚更健康幼嫰。
分享『綠茶清爽保濕面霜』用後感：
打開蓋就見到好水潤嘅啫哩狀，無太大嘅綠茶味，搽上面會有種清涼嘅感覺，唔難推開，亦唔會太水，都幾快吸收晒，搽完keep到幾清爽。
本身我係混合性偏乾皮膚，搽完佢都keep到一陣水潤感覺，但隔咗1小時到，就會feel到好似無晒嘢咁，個人覺得佢唔係好夠補水，可能同屋企開住冷氣，啲水份抽得快咗有關啦，所以臨瞓前我會先噴一噴spray補水，on top再補一層sleeing pack，做番個cover鎖番啲水份，第2朝起身就唔會覺得乾，可以keep得番個水份。
若果大家好似我咁，早晚係有分開用兩隻cream嘅話，我就建議您地將佢當做day cream用，因為佢質地比較清爽，加上佢可以平衡酸鹼度，由其係夏天，我覺得朝早用佢好乾爽，之後on top加防曬就唔會黏住，同埋唔會話好容易出油，攪到您變咗做油面人啦！
沒有留言:
張貼留言