The Choute全效美白黃金精華套裝+AHC 24K黃金面膜

繼蝸牛、蛇毒、驢奶成份產品後，近排大熱就係添加咗黃金成份嘅產品，見到又有新嘢出我梗係心思思想試下，睇下效果係咪真係好似大家講得咁好呀嘛！

本身係想買支精華嚟試下架唧，點知俾我見到佢新出咗set裝"面+眼精華"重抵喎，加上佢重做緊其他promo，買1 set就可以加錢換另一牌子嘅黃金面膜，支mask一出時我都想試架啦，但係見佢得30ml要賣$178就卻步咗，而家見加$128就可以帶佢返屋企，就決定一次過買埋佢返嚟啦！

打開The Choute個Gold premium set就係咁嘅樣，有1支50ml面部精華+2支1ml眼部精華，價錢係HK$208/set (OP$258/set)。



呢支就係我想試嘅AHC 24K黃金面膜，細細支得30ml架咋，價錢係HK$128 (OP$178)，我本身唔係咁好洗水式mask，若果$178我就未必買，而家$128就買嚟試下都無妨嘅。